Parlament • 23 Qazan, 2019

Darıǵa Nazarbaeva Valentına Matvıenkomen kezdesti

34 retkórsetildi

Parlament Senatynyń tóraǵasy Darıǵa Nazarbaeva Reseıge jasaǵan resmı saparynyń aıasynda Reseı Federasııasy Federaldyq Jınalysynyń Federasııa Keńesiniń Tóraǵasy Valentına Matvıenkomen kezdesti. Bul týraly Parlament Senatynyń baspasóz qyzmeti habarlady.

Taraptar ekijaqty yntymaqtastyqtyń aýqymdy máselelerin, onyń ishinde eki el parlamentteriniń baılanystaryn talqylady.

Senat basshysy Qazaqstan men Reseıdiń burynnan kele jatqan kópqyrly ári eń jaqyn qarym-qatynastary ózgerissiz qala beretinin atap ótti. Oǵan Qazaqstannyń Tuńǵysh Prezıdenti – Elbasy N.Nazarbaev pen Reseı Prezıdenti V. Pýtınniń ózara qarym-qatynastary aıtarlyqtaı yqpal etti.

Darıǵa Nazarbaeva áńgime barysynda shekara mańyndaǵy yntymaqtastyq máselelerine erekshe toqtalyp, Qazaqstan men Reseı arasyndaǵy shekaradaǵy ótkizý beketteriniń mártebesin arttyrý týraly máseleni qarastyrý jóninde usynys aıtty. «Shekara aımaqtarynda turatyn adamdardyń múddesine oraı shekaradan ótý rásimderin barynsha ońaılatý kerek. Bul áleýmettik-ekonomıkalyq jáne mádenı almasýdyń damýyna oń áser etedi, aımaqtaǵy shaǵyn jáne orta bıznestiń ósýine, yqpaldastyq úderisterdiń qarqyn alýyna serpin beredi», - dedi ol.

Joǵarǵy palata basshysy Qazaqstan men Reseı azamattarynyń eki el aýmaǵynda júrip-turý jáne bolý jaǵdaılary máselelerinde tepe-teńdiktiń joqtyǵyna Reseı tarapynyń nazaryn aýdardy.

Qazaqstan men Reseı parlamentteriniń joǵarǵy palatalary basshylary ekologııadaǵy ózekti máselelerdi, sý paıdalanýdy tıimdi retteý jáne transshekaralyq ózender resýrstaryn paıdalanýdy da talqylady. «Transshekaralyq Jaıyq ózeniniń problemalary ártúrli deńgeıde birneshe ret qaraldy, biraq sharýa bir orynnan ilgerilemedi. Memlekettik organdardyń ókilderi, alpaýyt tutynýshylar, úkimettik emes uıymdar, sondaı-aq sý únemdeý jáne transshekaralyq ózenderdiń problemalaryn zertteýmen aınalysatyn ǵylymı-zertteý ınstıtýttary quramyna kiretin ári bizdiń elderimizdiń bıýdjetinen qarjylandyrylatyn birlesken komıssııa qurý zor paıda ákeler edi. Bul máselede qoldaý kórsetýde Federasııa Keńesine rızashylyǵymdy bildiremin», - dedi Darıǵa Nazarbaeva.

Valentına Matvıenko óz tarapynan Reseı men Qazaqstannyń dostyq jáne odaqtastyq qatynastary eki memlekettiń damýynda mańyzdy ekenin atap ótti.

«Mundaı kezdesýlerde biz parlamenttik baqylaýdy talap etetin jáne joǵary deńgeıde qol jetken ýaǵdalastyqtardyń Reseı men Qazaqstan azamattarynyń múddesine oraı júzege asýyn qamtamasyz etý máselelerin kóteremiz», - dedi Valentına Matvıenko.

Federasııa Keńesiniń Tóraǵasy ekijaqty qatynastardyń ekonomıkalyq jáne mádenı quramdas bólikterin nyǵaıtýda, óńiraralyq baılanystardy keńeıtýde mańyzdy ról atqaratyn Qazaqstan men Reseıdiń parlamentaralyq baılanystaryn damytýdyń mańyzdylyǵyn erekshe atap ótti.

Valentına Matvıenko 2022 jyly Reseıde ótetin Dinaralyq jáne etnosaralyq dıalog jónindegi dúnıejúzilik konferensııany daıyndaý jóninde birlesken jumystardy bastaýdy usyndy, sondaı-aq Darıǵa Nazarbaevany 2021 jyly ótetin úshinshi Eýrazııalyq áıelder forýmynyń teń tóraǵasy bolýǵa shaqyrdy.

Kezdesý barysynda Reseı Federasııasy Federaldyq Jınalysy Federasııa Keńesiniń Tóraǵasy Valentına Matvıenkoǵa I dárejeli «Dostyq» ordeni tabys etildi. Qazaqstan Respýblıkasynyń Prezıdenti Qasym-Jomart Toqaev Qazaqstan Respýblıkasy men Reseı Federasııasy arasyndaǵy eki jaqty qarym-qatynastardy nyǵaıtýǵa jáne damytýǵa qosqan úlesi úshin marapattaý týraly Jarlyqqa qol qoıǵan bolatyn.

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar