Aımaqtar • 23 Qazan, 2019

Almatyda «Bıýdjetke qatysý» jobasy 27 qazanǵa deıin uzartyldy

22 retkórsetildi

Qala turǵyndarynyń ótinishi boıynsha «Bıýdjetke qatysý» pılottyq jobasy boıynsha ótinimder qabyldaý 27 qazanǵa deıin uzartyldy. Daýys berý kezeńi 03-12 qarasha aralyǵynda ótedi. Almaty qalasynyń turǵyndary úshin bul – budget.open-almaty.kz saıtynda óz aýdandaryn damytý boıynsha jobalyq usynystardy berý nemese buryn berilgen jobalyq usynystardy pysyqtaý múmkindigi, dep habarlady qala ákimdiginiń baspasóz qyzmeti.

Búginde «Bıýdjetke qatysý» pılottyq jobasy aıasynda qala turǵyndary 231 ótinim berdi. Berilgen jobalyq usynystar sany boıynsha Almaly (67), Medeý (49) jáne Bostandyq (39) aýdandary kósh bastap tur. Barlyq jobalarmen budget.open-almaty.kz saıtynda, «Jobalyq usynystar sany» bóliminde tanysýǵa bolady.

28 qarashada jobalyq usynystardy jınaý kezeńiniń qorytyndysy boıynsha barlyq aýdandyq ákimdikter janynan qurylǵan saraptaý komıssııalary qala turǵyndarynyń ıdeıalaryn joba talaptaryna sáıkestigine baǵalaıdy, sondaı-aq aldyn ala qol jetkizý hattamalaryn qalyptastyrady. 29 qazan-01 qarasha aralyǵynda jobalar pysyqtalǵannan keıin, budget.open-almaty.kz  saıtynda qol jetkizýdiń qorytyndy hattamalary jarııalanady.

Iske asyrýǵa ruqsat berý úshin joba Almaty turǵyndarynyń 10-nan astam daýysyn jınaýy tıis. Qalanyń bir turǵyny úsh jobalyq usynysqa daýys berýge quqyly.

Turǵan aýdanyna qaramastan, unaǵan jobalardy tańdap, oǵan daýys berýdiń eki ádisi bar: onlaın nemese  ESQ paıdalaný arqyly, sondaı-aq,  budget.open-almaty.kz saıtynda; Open Almaty front-keńsesinde (Abaı d-ly, 90, Aımanov k-siniń qıylysy), jeke basyn kýálandyratyn qujatty usyna otyryp, qaǵaz túrinde daýys berýge bolady.

Sońǵy jańalyqtar

Uqsas jańalyqtar