Aımaqtar • 23 Qazan, 2019

Saǵynaıdyń beıiti tabyldy

662 retkórsetildi

Bir kezde bar qazaqtyń dalasyna aty shyqqan Saǵynaı Esulynyń beıiti tabylyp, basyna belgi tas ornatyldy. Eleýsiz bolyp qalǵan, el jadynan óship bara jatqan tulǵanyń jambasy Stepnogorsk qalasynyń irgesinde jerge tıgen eken.

Basqa qadir-qasıeti óz aldyna, qazaq tarıhynda «Saǵynaıdyń asymen» qalǵan tulǵanyń beınesi áli de el ishinde árqıly ańyzdyń ózegi ekendigi daýsyz. Sonyń bir parasy – Arqada ótken Saǵynaıdyń asyna jumsalǵan shyǵyn ataqty Tadj-Mahal kesenesin salýǵa jumsalǵan qarajatpen para-par desedi.

El esinde Pań-Nurmaǵambet qaı qasıetimen qaldy? Shyntýaıtynda, ákesi Saǵynaıǵa bergen ulan-asyr asymen. El tarıhyn ekshegen ǵalymdardyń aıtýyna qaraǵanda, 1886 jyly ákesi Saǵynaıǵa as bergende 500 aqshańqan kıiz úı tigilip, 500 buhar kilemi ilinipti. Bes tonna shaı ákelinip, myńdaǵan ydys-aıaqtar Tashkent pen Qazan qalalaryndaǵy bazarlardan jetkizilgen. Asqa jıyrma myń qoı, myń jylqy soıylǵan.

Pań-Nurmaǵambet ult úshin de ulaǵatty ister tyndyryp, baılyǵyn sol jolda jumsaǵan jomart jandardyń biri. Máselen, Alash kósemderimen pikirles bolyp, olarǵa demeýshilik kórsetkeni týraly derekter de bar. Áne bir jyldary Pań-Nurmaǵambet mazary boı kóterse, araǵa 25 jyl salyp, ákesi Saǵynaıdyń beıitiniń basyna tas ornatyldy. Tastyń salmaǵy bes jarym tonna. Alash ardaqtysy týraly málimet pen Ombydan alynǵan karta mármár tasqa qashalyp jazylǵan.

–Málimetter Omby qalasyndaǵy áskerı baspa departamentinen alynǵan. Sol nusqa boıynsha tasqa ornattyq,–deıdi mesenat Marat Nábıev.

Tas qoıý rásimine el tarıhyna eleńdegen jurtshylyq kóp jınaldy. Qaýym aldynda sóz sóılegen Stepnogorsk qalasynyń ákimi Erkebulan Baıahmetov bul oqıǵanyń mańyzdylyǵyna toqtaldy. Basty maqsat – tarıhı dara tulǵanyń ıgilikti isterin bolashaqqa jetkizý.  

Zamanynda bólek bitimine oraı Saǵynaıdy Ereımenniń etegindegi jurt «jarty patsha» dep dáriptegen eken. Osy jalǵyz aýyz sózden-aq Saǵynaı esiminiń sol kezdegi el ishindegi qadir-qasıetinen ábden habardar bolýǵa bolady. 

–О́z basym Saǵynaı, Pań-Nurmaǵambet beınesin ashý, tarıhı kelbetin kórsetý mindetimiz dep bilemin. Zertteý jumystary júrgizilip jatyr. Darhan dalanyń dara tulǵalarynyń el úshin atqarǵan  ıgilikti eńbegi keıingi urpaqqa ónege,–deıdi ólketanýshy Ǵarıfolla Kenjetegi.    

Sol kúni ortalyq meshitinde as berilip, tarıhı tulǵalardyń rýhyna quran baǵyshtaldy.

Sońǵy jańalyqtar

Aqyn-jazýshylar Aqtóbede bas qosty

Rýhanııat • Búgin, 11:25

Egemendikter elge shyqty

Qazaqstan • Búgin, 11:19

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Uqsas jańalyqtar