Aımaqtar • 23 Qazan, 2019

Zerendide Dúısen bıge eskertkish ashyldy

32 retkórsetildi

Qara sózdiń qaımaǵyn qalqyǵan, el ishindegi daý-shardy ádil sheship, yntymaǵyn bekemdegen, batyrlyǵymen qol bastaǵan Dúısen bı Esenberliulyna qoıylǵan eskertkishtiń ashylýy ózgeshe bir óńdi shara boldy.

Zerendi óńirindegi Qoshqarbaı taýynyń etegin jaılaǵan, Qaraýyl Dúısen bıden taraǵan toǵyz  aýyldyń turǵyndary bas qosyp, keshegi el tutastyǵy, qazaqtyń aýyzbirligi jolynda qııapat ter tókken qasıetti atalarynyń esimin taǵy bir jańǵyrtty. Abylaı han zamanynda ádil bı, áskerı qolbasshy bolǵan Dúısen bı eskertkishiniń ashylý saltanatynyń ózi keıingi urpaq úshin ómirsheń ónege, ádemi úlgige aınaldy.

–2011 jyly atamyzdyń arýaǵyn tebirentip úlken jıyn ótkizgen bolatynbyz. Eskertkish ornatý jaıly bir arman júregimizde júretin. Eń qıyny beınesi. Al, ómiri, taǵylymdy isi el jadynda. Aqyldasyp, kóńildegi nobaımen keskinin beıneledik. Júzden artyq adam saraptaýǵa qatysty. Urpaqtary qarajat jınap, ata atyn ardaqtap, osyndaı bir ıgilikti is istedik,–deıdi ólketanýshy ǵalym Qasymhan Qusaıynov.   

Aqtaban shubyryndy, Alqakól sulamaly zamanda halqyna qamqor bolǵan Dúısen bı týraly tarıhı derekter aýyzdan-aýyzǵa kóship, keıingi urpaǵyna jetti. El qamyn oılaǵan ıgi nıet, zor eńbek eshqashan eskirmeıdi ǵoı. HÚII-HÚIII ǵasyrlardyń toǵysynda ómir súrgen Dúısen bı Túrkistandaǵy Qoja Ahmet Iаssaýı kesenesiniń janynda jerlengen. Qasıetti jerden bir ýys topyraq ákelinip, eskertkish túbine salynypty. Eskertkishtiń ashylý rásimine jınalǵan jurt irgedegi bı urpaqtary turatyn  Aıdarly aýylynyń bilim oshaǵyndaǵy kemeńger tulǵa Qaraýyl Dúısen bıdiń murajaıyn aralap kórdi. 

Jınalǵan jurttyń árqaısysy asyldaryn ardaqtap, ulylaryn ulyqtaýǵa jol ashqan «Rýhanı jańǵyrý» memlekettik baǵdarlamasynyń máni men mazmuny tereń ári eldiń erteńgi ıgiligine baǵyttalǵandyǵyn júrek túpkirimen sezinip otyrǵandyqtaryn jetkizdi.

Sońǵy jańalyqtar

Aqyn-jazýshylar Aqtóbede bas qosty

Rýhanııat • Búgin, 11:25

Egemendikter elge shyqty

Qazaqstan • Búgin, 11:19

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Uqsas jańalyqtar