Memleket qoldaýymen eńsesin tiktedi

Kóp balaly úıdiń otaǵasy Serik Jádiger 2017 jyly eldiń soltústik óńirleriniń birine kóshý týraly sheshim qabyldady. Qonys aýdarýǵa birden-bir sebep bala kezinen múgedektigi bar, 5 kúrdeli ota jasatqan, 5 synypta oqıtyn qyzy Ásemaı Kárim edi. Qyz balanyń densaýlyǵy shuǵyl túrde klımat jaǵdaıynyń aýysýyn qajet etti.

«Bizdiń alty balamyz bar. Bıyl sáýir aıynda bizge 1 mln 567 myń 200 teńge somasynda ataýly áleýmettik kómek taǵaıyndaldy. Aı saıyn 130 600 teńge alamyz. Sondaı-aq bizge jeke qosalqy sharýashylyqty damytýǵa 176 750 teńge kóle­min­de kómek kórsetildi. Bul qar­jy­ǵa sıyr satyp aldyq. Endi dúkennen sút ónimderin satyp almaımyz, ózimizde tabıǵı sút bar. Sondaı-aq bizge «Otaý TV» televızııalyq qondyrǵysyn ornatyp berdi. Árıne týǵan ólkemizdi saǵynamyz, biraq bul jaq ta bizge qatty unaıdy», dedi Seriktiń jubaıy Marjan Nálibaeva.

Ertis aýdandyq máslıha­ty­nyń sheshimi boıynsha bul kóp balaly otbasynyń 4 balasyn mektepke daıyndaýǵa 50 500 teńge kóleminde birjolǵy áleýmettik tólem jasaldy.

«Serik Jádiger turaqty ju­mys­pen qamtamasyz etildi. Endi ol «Maıqońyr aýyly ákiminiń apparaty» KMM-de júrgizýshi bo­lyp jumys isteıdi. Onyń ju­baıy Marjan Nálibaeva Maıqońyr aýyldyq klýbyna tehnıkalyq qyzmetker bolyp jumysqa ornalasty», dep habarlady Pavlodar oblysynyń jumyspen qamtýdy úılestirý jáne áleýmettik baǵ­dar­la­malar basqarmasynyń orynbasary Gúlnar Kamalova.

Sonymen qatar nátıjeli ju­mys­pen qamtý jáne jappaı ká­sipkerlikti damytýdyń «Eń­­bek» memlekettik baǵ­dar­la­masynyń ekinshi ba­ǵy­ty aıasynda Serik Jádigerge usaq mal ósirý úshin 1 mln 500 myń teńge somasynda mıkrokredıt alýǵa kómek kórse­tildi. Bul qarajatqa ol óziniń jeke qosalqy sharýashylyǵy úshin 50 bas qoı satyp aldy.

«Bizdiń otbasymyzǵa jańa orynda naqty kómek kórsetildi, balalardyń mektepke kerek-jaraǵyn alýǵa da kómektesti, jumysqa da ornalastyrdy. Al AÁK-tiń arqasynda otbasymnyń ál-aýqaty aıtarlyqtaı jaq­sar­dy. Endi biz jaqsy ómir súrip jatyrmyz», dep Serik Jádiger óz oıymen bólisti.

G.Kamalovanyń aqparaty boıynsha, qazirgi ýaqytta 59 otbasy jalpy somasy 19 mln 200 myń teńge somasynda áleýmettik kómek alady, onyń ishinde 42 otbasyǵa 100 AEK kóleminde, jalpy somasy 10 mln 600 myń teńge, 17 otbasyǵa árqaısysyna 200 AEK-ten, jalpy somasy
8 mln 600 myń teńge tólenedi.

Esterińizge sala keteıik, bıylǵy 15 tamyzdaǵy jaǵdaı boıynsha ataýly áleýmettik kómekpen 1,8 mln qazaqstandyq qam­tylǵan. Járdemaqy alýshy­lar­dyń eń kóbi Túrkistan oblysynda – 498,7 myń adam, Almaty oblysynda – 225,4 myń adam, Shymkent qalasynda – 216,3 myń adam turady. Bıyl 1 tamyzdaǵy jaǵdaı boıynsha 103 mlrd teńge kóleminde AÁK tólendi. Bir otbasyna tólemniń ortasha mólsheri aıyna 86 myń teńgeni qurap otyr.