Munda sońǵy kelgen ýaqyttan beri jobaǵa túzetýler engizilgen: úıge tehnıkalyq tekserý jumystary júrgizilip, ınjenerlik jelileri boıynsha joba memlekettik sarpatamada qaralýda. Qurylys salýshynyń aıtýynsha, lıftilerdi ornatý boıynsha qalqa-qorshaýlaryn bólshekteý jumystary júrgizilip jatyr.
«Áýel basta joba boıynsha 5 qabatty úı salý josparlanǵandyqtan munda lıfti qarastyrylmaǵan, lıftini ózimizdiń qazaqstandyq kompanııadan satyp alamyz, sonymen qosa terezelerin aýystyramyz. Al kóktemde úıdiń ishki árleý jumystaryna kirisemiz» , - dedi qurylys salýshy.
Qala ákimi Altaı Kólginov qys túskenge deıin barlyq esikteri men terezelerin jaýyp, úı tóbesiniń jabynyn bekitý kerektigin aıtty. Tapsyrý merzimi - 2020 jyl. Qalada barlyǵy qurylysy aıaqtalmaǵan 51 obekti (76 úı) bar. Osy jyldyń sońyna deıin tapsyrylatyn úılerdiń sany 10-ǵa jetedi.
