Tuńǵysh Prezıdent – Elbasy 2019 jyldy Jastar jyly dep jarııalady. Prezıdent Qasym-Jomart Toqaev óziniń saılaýaldy naýqanynyń baǵdarlamasynda memlekettik qyzmettiń ózgerýi, jańǵyrtylýy tıis ekenin aıtty, memlekettik qyzmetke joǵary deńgeıli quzyretterge ıe, zamanaýı betalystardan habardar jastardy tartý qajet.
Prezıdent bastamasy boıynsha jastardy qoldaý aıasynda elimizde alǵash ret Prezıdenttik jastar kadrlyq rezervine irikteý bastaldy.
A. Jaıylǵanovanyń aıtýynsha, qazirgi kezde irikteýdiń barlyq rásimderi mindetti túrde QR Prezıdentiniń Jarlyǵymen bekitilgen Rezervti qalyptastyrý erejelerine sáıkes júrgiziledi.
Áleýetti rezervshilerdi irikteý 6 kezeńnen turady:
1. Qatysýshylardy tirkeý jáne qujattardy qabyldaý;
2. Úmitkerlerdiń testileý;
3. Testileýdi tekserý;
4. Áleýetin baǵalaý (esse, quzyretterin baǵalaý, jobalardy tanystyrý);
5. Qatysýshylardyń Sarapshylar komıssııasymen áńgimelesýi;
6. Qatysýshylardyń kandıdatýrasyn Ulttyq kadrlyq rezerv komıssııasynda qarastyrý.
«Irikteýge qatysý úshin bastapqy tirkeýden 13212 adam ótti. Onyń ishinde 7312 adam tirkeýden sońyna deıin ótti. Úmitkerler arasynda Qazaqstannan tys jerde júrgen 46 adam bar. Olardyń basym bóligi Reseıden – 10 adam, AQSh-tan – 4 adam, Ulybrıtanııadan – 3 adam, Túrkııadan – 3 adam», — dedi QR MQSA tóraǵasy.
Qazirgi kezde bastapqy úsh kezeńi aıaqtaldy – qatysýshylardyń qujattary qabyldanyp, úmitkerler testileýden ótti, testileý tekserildi.
«Qabiletterin testileý» kezeńi a.j. 12 qazanda aıaqtaldy. Test úmitkerlerdiń kúrdeli aqparatpen jumys isteý qabiletterin anyqtaýǵa baǵyttaldy jáne eki bloktan quraldy – verbaldy jáne sandyq. Bul olardyń saraptamalyq jáne syndarly oılaý júıesiniń deńgeıin, logıkasyn anyqtaýǵa múmkindik berdi.
Qabilettilikterdi testileýge 5745 úmitker qatysty. Bul kezeń nátıjelerin esepteý avtomattandyrylǵan rejımde ótti. Nátıjeleri úmitkerler testileýden ótken soń birden pkrezerv.kz saıtynda qatysýshylardyń vırtýaldy jeke kabınetterinde qoljetimdi boldy. Odan soń nátıjeler óńdelip, balldarymen jalpy reıtıng Agenttik saıtynda jáne Pkrezerv.kz saıtynda jarııalandy.
Ulttyq komıssııa rezervke irikteýdiń kelesi kezeńine jiberiletin úmitkerlerdiń shekti sanyn anyqtady.
Osylaısha, testileýin tekserýge 1000 artyq adam jiberilmeıdi.
● kelesi «Áleýetin baǵalaý» kezeńine — 600-den aspaıtyn adam;
● Saraptamalyq komıssııada áńgimelesýge – 400-den aspaıtyn adam;
● Ulttyq komıssııa otyrysyna – 330-dan aspaıtyn adam jiberiledi.
Osylaısha, bekitilgen talaptar negizinde, testileýin teskerýge jiberilgen 902 úmitker kemý boıynsha qarapaıym ranjırleý ádisimen anyqtaldy.
Qazirgi kezde tekserý qorytyndylary boıynsha 549 qatysýshy irikteýdiń kelesi kezeńi – «Áleýetin baǵalaý» kezeńinen sátti ótti.
«Ashyqtyq úshin azamattarǵa irikteýge qatysýshylar týraly aqparat qoljetimdi ekenin aıtqym keledi. Árbir irikteýden soń biz keles kezeńge ótkenderdiń tizimin jarııalaımyz. Máselen, “Áleýetin baǵalaý” kezeńine jiberilgenderdiń sanymen jalpy reıtıng pkrezerv.kz onlaın-platformasynda jáne bizdiń Agenttik saıtynda jarııalandy», — dedi A. Jaıylǵanova.
«Áleýetin baǵalaý» irikteýiniń kelesi kezeńi 2019 jylǵy 22 qazan jáne 3 qarasha aralyǵynda ótedi. Bul kezeńde 3 quraýysh qamtylǵan: esse jazý, jobany tanystyrý, quzyretterin baǵalaý. Esse jazý jáne jobalar prezentasııasy beıne jáne aýdıofıksasııa arqyly pkrezerv.kz avtomattandyrylǵan júıesinde onlaın júrgiziledi.
Irikteýdiń ár kezeńin tıisti qyzmet salasynyń mamandary baǵalaıdy. Qazirgi ýaqytta esse men jeke joba jumystaryn baǵalaý úshin sarapshylar pýly anyqtalǵan jáne onyń quramyna akademııalyq orta, memlekettik qyzmetkerler jáne kásibı qoǵamdyq birlestikter men zertteý mekemeleriniń ókilderi kiredi.
Kandıdattyń árbir essesin jáne jobalyq jumysyn bir ýaqytta úsh sarapshy onlaın rejımde baǵalaıdy. Qorytyndy baǵa sarapshylardyń baǵalarynyń ortasha máninen qurylady.
Quzyrettilikti baǵalaý týraly aıtar bolsaq, ony ótkizý úshin arnaıy oqýdan ótken sertıfıkattalǵan baǵalaýshylar tartylady. Sondaı-aq, biliktilikti baǵalaý rásimderiniń sapasyn arttyrý úshin baǵalaýshylardan keıńn kásibı sýpervızorlar qaraıdy.
Jalpy, kandıdattardyń áleýetin baǵalaý kezeńin qarashanyń 20 kúnderi aıaqtaý kózdelgen.
Kandıdattardyń Sarapshylar komıssııasymen suhbattasýy 27 qarasha men 13 jeltoqsan aralyǵynda ótedi. Bul kezeńde aldynǵy irikteý kezeńderindegi upaılar jıyntyǵy boıynsha eń jaqsy nátıjelerdi kórsetken 400-ge jýyq adam jiberiledi.
Saraptamalyq komıssııa otyrysynyń qorytyndysy boıynsha Ulttyq komıssııanyń qaraýyna usynylatyn, 330-dan aspaıtyn eń jaqsy qatysýshydan turatyn tizim jasalady. Rezervke qabyldaý týraly túpkilikti sheshimdi Ulttyq komıssııa qabyldaıdy. «Árbir kandıdat óziniń nátıjesin únemi qadaǵalaı alýy úshin, biz qatysýshylarǵa saıtta ózderiniń jeke kabınetinde óz reıtıngterin qadaǵalaı alatyn múmkindik berdik», — dedi agenttik tóraǵasy.
Testileýdi tekserý kezeńinen bastap, árbir kelesi kezeń úshin múmkin bolatyn 100% shamanyń belgili bir paıyzy keledi. Sonymen tekserýge 10%, jobany tanystyrýǵa – 9%, essege – 15%, quzirettilikti baǵalaýǵa – 36%, suhbattasýǵa –30%.
