Birqatar aýdandardyń ahýalynyń jaqsarýyna da serpin berýde. Alaıda qazirgi kezde óńirde energııa tapshylyǵy ózekti másele bolyp otyr. Búginde Jambyl oblysynda atalǵan máseleni sheshý maqsatynda jańartylatyn elektr energııasy kózderin paıdalaný júıeli qolǵa alynyp keledi. Bul maqsatta óńirge tıisti ınvestısııalar da tartylýda.
Energııa tapshylyǵyn joıý maqsatynda óńirdegi stansalardyń qatary aldaǵy ýaqyttarda túrkııalyq «Global Stroı» jaýapkershiligi shekteýli seriktestiginiń kún elektr stansasymen tolyǵatyn bolady. Bul rette Jambyl oblysynyń ákimi Asqar Myrzahmetov túrkııalyq «Global Stroı» jaýapkershiligi shekteýli seriktestiginiń ókilderimen kezdesip, kelisim arqyly ekijaqty memorandýmǵa qol qoıylǵan bolatyn. Qazirgi kezde atalǵan kompanııa ókilderi óńirimizde 400 megavattyq kún elektr stansııasyn salýǵa nıetti. Eger joba júzege asqan jaǵdaıda óńirde Orta Azııadaǵy eń iri stansalardyń birinen sanalatyn «Burnoye Solar-1» stansasynan tórt ese kóp elektr energııasyn óndiriledi dep kútilýde. Bul maqsatta Asqar Myrzahmetov jergilikti bılik ınvestorlardy barynsha qoldaýǵa ázir ekendigin, olarǵa qajetti jaǵdaılar jasalatynyn aıtyp otyr. Ol úshin áýeli qajetti jer kólemin naqtylap, stansa salýǵa qolaıly aımaqty anyqtaý sharalaryn júrgizý mańyzdy bolyp otyr. Búgingi tańda oblysta qurylysy júrgizilip, nátıjesinde jumys istep jatqan jel, kún elektr stansalary bar. Bul rette aımaqtyń balamaly energııa óndirý baǵytynda aıtarlyqtaı tájirıbesi bar deýge bolady.
Sonymen, keleshekte Áýlıeata óńirinen áleýeti joǵary kún elektr stansasy boı kóteredi. О́z sózinde «Global Stroı» jaýapkershiligi shekteýli seriktestiginiń quryltaıshysy Býlgan Ahmet Dıýran men atalǵan kompanııanyń bas dırektory Ýıgýn Eıýp Jambyl oblysy kún sáýlesi kóp túsetin óńir bolǵandyqtan tańdaý osynda túsip otyrǵanyn jetkizdi. Sonymen qatar, salynatyn stansaǵa jel men kúnniń qozǵalysyna yńǵaıly jańa tehnologııalardy paıdalanatyndaryn aıtyp, jumysty bastaýǵa daıyn ekendikterin málimdedi. Sondaı-aq olar bolashaqta Qazaqstanda 8 myń megavattyq stansa salýdy da josparlap otyr eken. Al, Jambyl óńirinen salynatyn kún elektr stansasy bolashaqta Orta Azııadaǵy taǵy bir iri joba bolǵaly tur.
Jambyl oblysy
