Kúdiktini izdeý isine jumyldyrylǵan jedel tergeý tobynyń ishinde Ulttyq ulannyń kınology Almat Ahmetjanov pen onyń tárbıesindegi Afına atty ıt te bolǵan.
Qylmys bolǵan jerde shashylyp jatqan tıyndardan ıis alǵan ıt tártip saqshylaryn kópqabatty úılerdiń biriniń kireberisine bastap keledi. Itiniń jańylyspaǵanyn tekserý maqsatynda kınolog Afınany qandy oqıǵa bolǵan jerge qaıta ákelip, izge taǵy bir márte salǵan. Iisshil ıt bolsa, bastapqydaǵy joldan aýytqymaı, týra manaǵy úıge taǵy da alyp kelip, kireberis esiginiń aldynda úre bastaıdy.
Afınanyń qatelespegenine kózi jetken polısııa qyzmetkerleri syrtqy esikten ishke engende, kireberiste tyǵylyp otyrǵan bir er adamdy qolǵa túsiredi. Mán-jaıdy anyqtaý barysynda álgi kúdikti atalǵan qylmysqa qatysy barlyǵyn, atap aıtqanda joǵaryda aıtylǵan er adamdy pyshaqtaǵanyn moıyndaǵan.
Sóıtip, Afına atty ıisshil de aqyldy ıttiń arqasynda jezqazǵandyq saqshylar asa aýyr qylmysqa qatysy bar kúdiktini osylaısha izin sýytpaı qolǵa túsirdi.
