Senatorlar oblystyq perınataldyq ortalyqta boldy. Densaýlyq saqtaý mınıstrliginiń málimeti boıynsha bıylǵy tamyz ben qyrkúıek aılarynda munda 42 náreste kóz jumdy. «Qazirgi ýaqytta osy ortalyqta sábıdiń ólimi boıynsha tergeý jumystary júrgizilýde. Medısınalyq mekemeniń ınfraqurylymyn jaqsartý boıynsha jumystar júrgizilýde. Jalpy jaǵdaı turaqtalyp, dárigerler kúndelikti qalypty tártipte qyzmetterin jalǵastyrýda», - dedi senator S.Eńsegenov.
Senatorlar sapar barysynda oblystyq kardıologııa ortalyǵynyń jumysymen tanysty. Klınıka zamanaýı quraldarmen jabdyqtalǵan, munda kásibı qyzmetkerler jumys isteıdi. Senatorlar ortalyqtyń aımaq úshin de, jalpy respýblıka úshin de mańyzyn atap ótti.
Depýtattar sondaı-aq bilim berýde erekshe talap-tilekteri bar balalarǵa arnalǵan «Balalardy ońaltý ortalyǵynyń» jumysymen jáne olardyń medısınalyq ońaltý barysymen de tanysty.
Senatorlar H.Dosmuhamedov atyndaǵy Atyraý memlekettik ýnıversıtetiniń №3 Stýdentter úıinde stýdenttermen kezdesip, áńgimelesti. Ýnıversıtette «Serpin» memlekettik baǵdarlamasy aıasynda elimizdiń túrli aımaqtarynan kelgen stýdentter bilim alady.
Sapar barysynda depýtattar «Atyraý-aqparat» mekemesinde «Qazaqstan» respýblıkalyq teleradıokorporasııasy» aksıonerlik qoǵamnyń Atyraý oblystyq fılıalynyń jáne oblystyq gazettiń jýrnalısterimen kezdesý ótkizip, «APEC PetroTechnic» joǵary tehnıkalyq kolledjinde boldy.
