Bul málimdemeni Eńbek jáne halyqty áleýmettik qorǵaý mınıstri Birjan Nurymbetov Premer-Mınıstrdiń orynbasary Berdibek Saparbaevtyń jumys sapary aıasynda kelgen «Shapaǵat» múgedekterge arnalǵan ońaltý ortalyǵyna jáne Shymkenttegi múgedekterge qyzmet kórsetý ortalyǵyna barǵanda aıtty. Elimizdiń ońtústik megapolısinde Qazaqstan Respýblıkasy Eńbekmıniniń basshysy, sondaı-aq «PetroQazaqstan Oıl Prodakts» JShS eńbek ujymymen kezdesti jáne «Álem bilim ortalyǵy» JShS jumysymen tanysty. Kezdesýler barysynda Birjan Nurymbetov Qazaqstan Respýblıkasynyń Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirdi.
Shymkent qalasyna kelip, Eńbek mınıstriniń basshysy «Shapaǵat» múgedekterdi ońaltý ortalyǵy» KMM-niń ashylý saltanatyna qatysty. Ol uıymda múgedekterge jáne 18 jastan asqan psıhonevrologııalyq aýrýlary bar jáne birinshi jáne ekinshi toptaǵy múgedekterge jartylaı stasıonar jaǵdaıynda arnaıy áleýmettik qyzmetter kórsetedi. Ortalyqtyń qyzmetkerlerimen jáne múgedektermen sóılesý barysynda Birjan Nurymbetov qazirgi ýaqytta Qazaqstanda 690 myń múgedektigi bar adamdar turady dep atap ótti.
«Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi jumys Eńbek jáne halyqty áleýmettik qorǵaý mınıstrliginiń mańyzdy basymdyǵy bolyp tabylady. 2019 jyldyń 9 aıynda múgedektigi boıynsha memlekettik áleýmettik járdemaqy tóleýge 198,1 mlrd teńge baǵyttaldy. Aǵymdaǵy jyldyń 1 qazanyda alýshylar sany 521 myń 153 adamdy quraıdy, járdemaqynyń ortasha mólsheri – 42 496 teńge. Osy jyldyń 1 shildesinen bastap múgedektigi bar balalardy jáne bala jasynan birinshi toptaǵy 18 jastan asqan adamdardy kútý boıynsha memlekettik járdemaqylardyń mólsheri arttyryldy. Onyń mólsheri 41 578 teńgeni quraıdy. Búgingi kúni járdemaqynyń birinshi túrin 27 mlrd.teńge somasynda 84,7 myń adam, ekinshi – 4,3 mlrd teńge somasynda 13,5 myń adam aldy», – dedi Mınıstr.
Birjan Nurymbetov, sondaı-aq múgedektigi bar adamdardy áleýmettik qamsyzdandyrý júıesiniń bir baǵyty jartylaı stasıonar jáne úıde kútim jasaý jaǵdaıynda arnaýly áleýmettik qyzmet kórsetý bolyp tabylatynyn atap ótti. 2019 jyly bul maqsatqa respýblıkalyq bıýdjetten 1,2 mlrd teńge kózdelgen. Búgingi kúni mundaı qyzmetter 4 myńnan astam azamatqa kórsetildi.
«Áleýmettik tólemdermen jáne arnaıy áleýmettik qyzmetterdi kórsetýmen qatar múgedekterdiń erekshe qajettilikterine de kóp kóńil bólinedi. Bizdiń Mınıstrlik organızm fýnksııasynyń ornyn toltyrý maqsatynda múgedektigi bar adamdarǵa beriletin tehnıkalyq quraldar men arnaıy qozǵalys quraldarynyń tizbesin ózektendirdi. Sońǵy úsh jyldyń ishinde ol 32-den 55 ónimge deıin keńeıtildi», - dep tolyqtyrdy Eńbek mınıstriniń basshysy.
«PetroQazaqstan Oıl Prodakts» JShS munaı óńdeý zaýytynyń eńbek ujymymen kezdesýde Birjan Nurymbetov jumys oryndaryn, eńbek zańnamasyn saqtaýǵa, óndiristik jaraqattanýdyń aldyn alýǵa jáne ujymdyq eńbek daýlarynyń aldyn alýǵa basa nazar aýdardy.
Qysqa merzimdi kásiptik oqytý boıynsha bilim berý qyzmetter kórsetetin «Álem bilim ortalyǵy» JShS oqý ortalyǵynda Mınıstr Memleket basshysynyń Joldaýynda áleýmettik aspektilerge – otbasylyq bıznes qurý, eń aldymen kópbalaly jáne tabysy az otbasylar úshin bıznesti qoldaýdyń jańa nysandaryn belsendi engizý qajettiligi naqty belgilengenin atap ótti.
«Mundaı oqý ortalyqtarynyń jumysy óte mańyzdy! Bizdiń azamattar úshin jańa kásibı daǵdylardy alǵan kezde jumysqa ornalasý múmkindikteri ǵana emes, sonymen qatar jeke isin ashý da keńeıtiledi. Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasy sheńberinde kásipkerlik negizderine oqytý, kredıtter men granttar berý tetikteri kózdelgen. Iаǵnı, jańa mamandyq alyp, qazaqstandyqtar óziniń shaǵyn bıznesin uıymdastyryp, basqa azamattarǵa jumys usyna alady», - dedi Birjan Nurymbetov.
Shymkent qalasyndaǵy jumys saparynyń sońynda Eńbek mınıstrliginiń basshysy Eńbek, áleýmettik qorǵaý jáne kóshi-qon komıteti Departamentiniń múgedekterge qyzmet kórsetý ortalyǵynyń jumysymen tanysty, onda múgedektik tobyn jáne eńbek etý qabiletinen aırylý deńgeıin, organızm fýnksııalarynyń buzylý dárejesine jáne tirshilik-tynysynyń shektelýine baılanysty merzimin anyqtaý qyzmetterin usynady.
