Áriptestiktiń basym baǵyttaryn talqylady

2016 jyly memleketter basshylary qol qoıǵan «Azııanyń órkendeý dáýirindegi keńeıtilgen strategııalyq seriktestik týraly» birlesken málimdeme Nur-Sultan men Tokıonyń eki el ara­syndaǵy yntymaqtastyqqa jańa serpin berýge múddeliligin kórsetti.

Sondyqtan ımperator Narýhıtonyń taqqa otyrý rásimine qatysýǵa arnal­ǵan sapary bary­synda Elbasy Japo­nııanyń Premer-Mınıstri Sındzo Abemen kezdesip, saýda-ekonomıkalyq qa­ty­nastardy odan ári damytý jónindegi qadam­dardy talqylady.

Aıta ketý kerek, 2018 jyly ekijaqty taýar aınalymyn arttyrý turǵysynan Qazaqstan men Japonııa úshin óte sátti boldy. Osy jyldyń qorytyndysy boıynsha saýda kóleminiń ósýi 53,8%-dy qurady, bul kórsetkishtiń 2 mlrd AQSh dollaryna deıin ósýine múmkindik berdi. 2019 jyldyń qańtar-tamyz aılary aralyǵynda taraptar tutastaı alǵanda saýda dınamıkasyn saqtap qaldy. Kórsetilgen kezeńdegi saýda-sattyq kólemi 1,13 mlrd AQSh dollaryn qurady.

Japonııa Qazaqstan ekonomıkasyn­daǵy eń iri ınvestorlardyń biri. Sońǵy 10 jyl ishinde Qazaqstan ekonomıkasyna baǵyttalǵan tikeleı sheteldik ınvestısııalar aǵynyndaǵy japonııalyq úles 6 mıllıard dollardan asty.

Qazaqstan úshin bul elmen áriptes­tikte tehnologııalyq, onyń ishinde japon tehnolo­gııalary men noý-haýdy tıimdi engizý salasyn­daǵy seriktestik basym baǵyty bolyp qala beredi.

Tolyq aýqymdaǵy ekonomıkalyq ynty­maq­tastyqtyń jol kartasyn odan ári damytýǵa ta­raptardyń tike­leı eki­jaqty baılanystary jáne «Or­talyq Azııa + Japonııa» forma­tyn­daǵy kópjaqty únqatysý sózsiz yqpal etedi.

Jalpy, Qazaqstan men Japonııa arasyndaǵy strategııalyq seriktestiktiń áleýeti zor dep qorytyndy jasaýǵa bolady.

Lıdııa PARHOMChIK,

Álemdik ekonomıka jáne saıasat ınstıtýtynyń sarapshysy