Ekonomıka • 25 Qazan, 2019

Kásipkerlikke tyń óris: Elordalyq kásiporyndar memleketten qoldaý alýda

36 retkórsetildi

Jýyrda «Damý» kásipkerlikti damytý qorynyń Nur-Sultan qalasy boıynsha fılıaly birqatar kásiporyndarǵa baspasóz týryn uıymdastyrdy. Atalǵan qor «Bıznestiń jol kartasy-2020» memlekettik baǵdarlamasy boıynsha kóptegen kásipkerlik nysandarynyń qanatyn keńge jaıýyna qol ushyn sozyp keledi. Sonyń biri «Úmit» Tomoterapııa jáne ıadrolyq medısına aýrýhana kesheni» JShS-i bazasynda «Emdeý-dıagnostıkalyq radıoterapııa jáne ıadrolyq medısına aýrýhanalyq kesheni» jobasy júzege asyrylǵan eken.

О́tken ǵasyrda qaterli isik dıa­g­nozy qoıylsa shoshıtyn halyq, qa­zir bul aýrýdyń erterek anyqtasa ja­zy­lýǵa bolatyn kádimgi sozylmaly syr­qat ekenin bile bastaǵan. Sondaı-aq ýaqyt­ty ótkizińkirep alǵannyń ózinde halyq­ara­lyq tájirıbede onkologııa­lyq naý­qas­tardy radıkaldy emdep, olar­dyń ómirin uzartýda joǵary teh­no­lo­g­ııalyq ádisterdi qoldaný jaq­sy nátıje kórsetetinen de habardar bola bastady. Osy ispetti jańa teh­no­lo­gııa­ǵa ne­gizdelgen emdeý joly – «TomoTherapy HD» jab­dyǵy kómegimen jańa zamanaýı tomoterapııa ádisi boıynsha on­­ko­logııalyq naýqastardy emdeý­ge jol ashady.

– Bul biregeı qondyrǵy árbir pa­sıent­tiń dertine sáıkes keletin eń dál jáne joǵary sapaly sáýlelenýdi júzege asyrady. Qondyrǵy pasıentke qajetti sáýle dozasyn shyǵarǵan kezde onyń biregeı spıraldy reji­mi kúrdeli, ári qoljetimdiligi qıyn tusta ornalasqan isikterdi sáýlelendirýmen qatar, onyń áserinen qorshaǵan saý tinder­di tıim­di qorǵaýǵa múmkin­dik beredi. Bul emdelý­shilerdiń túrli sanattary úshin sáýlelik tera­­pııany paıdalanýdyń múm­kin­digin keńeıtedi. Taıaýda dúnıe­júzilik onkologtar kon­gre­si­ne qatysqan otandyq onko­dıs­pan­serlerdiń basshylary bizdiń ortalyqta bolyp, naýqastar emindegi tıimdi jol retinde biz­ge pasıentterdi jiberý qajet degen uıǵarymǵa keldi. Búgingi tańda 21 adam emdelý ústinde, 9 adam josparda tur, al 18 pasıent qara­lý ús­tinde. Al negizi qondyrǵydan 106 adam emdelip shyqty, – deıdi «Damý» qory arqyly 1 mlrd teńge shama­syn­daǵy qondyrǵyny alyp, dertti jan­darǵa úmit syılaǵan «Úmit» Tomotera­pııa jáne ıadrolyq medısına aýrýhana kesheni» JShS-nyń dırektory Erjan Shaıahmetov,

Al «Digital System Servis» JShS telekommýnıkasııalyq naryqta 2005 jyldan bas­tap jumys istep keledi. Osy kezeń ishinde kompanııa ózin Mitel, Aastra, Ericsson, Avaya, Cisco, Advantech Wireless jáne basqa da álem­dik jetek­shi tele­kommýnıkasııalyq jabdyq­tar­dy óndirýshilerdiń tabys­ty ári senim­di seriktesi retin­de kór­sete bildi. Jo­balaý, jet­kizý, montajdaý, keshendi ın­te­­gra­sııa, paıdalanýǵa berý jáne ser­­vıs­tik qyzmet kórsetý, son­daı-aq IT sa­la­syndaǵy aýtsor­sıngti qamtıtyn tele­kom­­mý­nı­kasııalyq jobalardy ázir­leý jáne iske asyrý bo­ıyn­­sha qyzmetterdiń tolyq spektrin usynatyn kompanııa tele­kommýnıkasııalyq jabdyq­tar­dy óndirý jónindegi zaýyt qurylysyn josparlaý­­dy oılastyrady. Bul jos­par­ǵa qol­daý kórsetken Nur-Sul­tan qala­sy­nyń ákimdigi 2016 jyly «Astana – jańa qala» arnaıy ekonomıkalyq aıma­ǵyn­yń №1 Indýstrıaldy parki­niń aýmaǵynan tele­kommýnı­ka­sııalyq jabdyq-modem­der, kom­mý­tatorlar shyǵaratyn zaýyt qu­ry­lysyna jer ýchaske­sin bóldi. Al joba­ny iske asy­r­ýǵa qarajat kerek. Osy ret­te kompanııa basshylyǵy «Damý» qorynyń astanalyq fılıalyna júg­inedi. Sonymen «Digital System Servis» JShS zaýyt qurylysyna qa­jet­ti ınves­tısııalyq maqsattarǵa 14,25%-ben nesıe alady, onyń 40%-yn memleket «Bıznestiń jol kartasy – 2020» baǵdarlamasy sheń­berinde sýbsıdııalaıdy. Al aradaǵy aıyrmashylyqty 5 jyl nesıe merzimimen kásipker tó­lep, kepildikti qamtamasyz etýdiń jet­­kilik­ti­liksizdigine baılanys­ty «Damý» qory qaryz somasynan 30% mól­­she­rin­de kepildik beripti. Sondaı-aq kom­pa­nııa­­lar óńdeýshi ónerkásiptegi kásip­ker­­ler­di qoldaý baǵdarlamasy aıa­syn­­da 6%-ǵa óndiristik stanoktardy sa­typ alýǵa da qaryz beredi. Osyndaı naq­ty qoldaý arqyly kompanııa 2018 jyl­dan bastap modemder, kommýtatorlar, telefon stansalary syndy telekommý­nı­ka­sııalyq jabdyqtardy óndirýge kiristi.

1992 jyly qurylǵan «Vesta» tigin salony JShS 25 jyl­dyń júzinde syrtqy kıim, jeńil kıim, áskerı kıim, mek­tep formasyn tigýmen aınaly­sa­dy. Alǵashqy aıaq alys­tary týraly seriktestik dırek­tory Farıza Shady­jeva: «Birinshi ju­mysy­myz vetrovkalar (jeńil­detilgen kýrtkalar), palto, qys­qy kýrtkalar men kostıým­der tigý boldy. Daıyn ónim­deri­miz tez satyldy. Jalpy jurt­­shy­­lyqtan, uıymdardan tap­­sy­­rys ala bastadyq. Jańa­jyl­­dyq Prezıdent shyrsha­syna kon­serttik kostıýmder, or­­kest­r­­lik kıimder tigip, tyny­sy­­myz keńeıe túskende kúsh­tik q­ury­­lym­­dary, aldymen Qar­jy, Tóten­­she jaǵdaılar mınıstr­lik­teri, Salyq komıteti, Ulttyq qaýip­­siz­­dik komıteti jáne basqa da mem­­le­kettik vedomstvolar tap­­sy­­rys bere bastady. Kásip­oryn 1996 jyldan bastap, ıaǵnı 20 jyl­dan astam memlekettiń bar­lyq kúshtik qurylymdary úshin ás­kerı kıim tigýge mamandandy. Qazir óndiriste 50-ge jýyq adam, tigin isiniń úzdik ma­man­dary men sheberleri ju­mys isteıdi. «Damý» qorynyń qol­daýy­men jeńildetilgen nesıe alyp, óndiristi keńeıtý maq­satyn­da kásiporynnyń jańa ǵıma­­ra­­tyn salýǵa kiristik. Qazir qury­­lys támamdalýǵa jaqyn, kelesi maý­symda qazirgideı 50 emes, 100-150 adamdy jumyspen qamtı­tyn óndiris ornyn iske qosamyz», deıdi.

«Damý» arqyly damýǵa qol jetkizgenderdiń biri – «Kórkem 2011» JShS. Mektepke deıingi bilim berý qyzmetin kórsetý salasynda tájirıbesi bar kásiporyn jumysyn bastaǵan soń ýaqyt óte kele balabaqshaǵa balasyn ornalastyrǵysy keletinderdiń meselin qaıta­ratyn boldy. Sebebi bireý-aq – oryn jetkiliksiz. Sondyqtan ekinshi balabaqsha ashý kerek degen uıǵarymǵa kelgen olar Bi Group qurylys kompanııasynan laıyqty oryn-jaıdy taýyp, «Damý» kásipkerlikti damytý qoryna qoldaý kór­setýge ótinish bildirdi. Jobany «Qazaqstan Halyq Banki» AQ da qarjylandyryp, kompanııa jyl­dyq 14,5%-ben ınves­tı­sııa­lyq maqsatta qaryz alady. Bul boryshtyń 40%-yn memleket «Bıznestiń jol kartasy-2020» baǵdarlamasy sheńberinde sýbsıdııalady, al aıyrmashylyqty kásipker tóleıdi. Nátıjesinde 2019 jyldyń 16 qańtarynda jal­py syıymdylyǵy 100 adam­dyq jańa balabaqsha ashyldy. Budan ári memlekettiń dotasııasy alynǵan balabaqshada baldyrǵandar bes mezgil tamaq­tanyp, oıyndar men sa­baq­­tar ótkiziledi. Sondaı-aq bala­qaı­lar ser­ýen­dep, qosymsha úıirmeler jumysyna qatysyp, mektepke tolyq daıarlyqpen baratyn jaǵ­daıǵa jetti. «Bizde jumys is­teı­tin adamdar qaladaǵy ózge jeke­sh­elengen balabaqshadaǵy áriptes­terine qaraǵanda 1,5 ese artyq jalaqy alady» deıdi Aıjan Jaq­sygeldınova.

Baspasóz týry barysynda 4 kásip­oryn ókilderi de «Árıne, biz kúndelikti atqaratyn isimizdi jal­ǵastyra beretinimiz aıan. Bi­raq bir orynda turyp ósý, da­mý qıyn. Al «Damý» qory biz­diń tynysymyzdy keńeıtip, ja­­ńa múmkindikke jol ashty. Sol úshin memleket tarapynan ja­sal­ǵan qoldaýǵa dán rızamyz» desti.

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

Uqsas jańalyqtar