Shara jer sharyndaǵy mıllıardtaǵan adamdar súıip qadirleıtin eń tanymal sport túri - fýtboldyń jarqyn álemine arnaldy. Fýtbol óner retinde ártúrli ult, din ókilderin biriktiretin qandaı da bir fenomen jáne jasampaz kúsh retinde tanystyryldy. Sondaı-aq fýtbol halyqtar arasyndaǵy beıbitshilik pen ózara túsinistikti nyǵaıtýǵa qyzmet etedi.
Kórme Qazaqstandaǵy Reseı Federasııasy Elshiliginiń jáne Reseı Federasııasyndaǵy Qazaqstan Respýblıkasy Elshiliginiń qoldaýymen ótti. Jobanyń uıymdastyrýshylary halyqaralyq úkimettik emes uıymdar – Halyqaralyq qaıyrymdylyq «Kraft-Pavlov» zamanaýı ónerdi qoldaý qory jáne Imperatorlyq pravoslavıelik palestınalyq qoǵam.
Sharanyń ashylý saltanatynda sóz alǵan Ulttyq mýzeı dırektory Arystanbek Muhamedıuly: «Bul – óte erekshe kórme. Eki jyl boıy belsendi túrde júzege asyrylyp kele jatqan joba. «О́nerdegi dop» – Qazaqstan men Reseı Federasııasynyń arasyndaǵy dostyq qarym-qatynasty kórsetip, eki el arasyndaǵy mádenı baılanysty arttyra túsetin joba. «О́nerdegi dop» kórmesi alǵash ret 2018 jyly Máskeýde Fýtboldan Álem chempıonaty ótip jatqan ýaqytta uıymdastyrylyp, úlken jetistikke jetip, tanymal bolǵan edi. Kórmedegi keremet týyndylar fýtbol oıynynyń álem chempıonaty kezindegi túrli estelikterdi eske salady. Búgingi sharaǵa qatysyp otyrǵan balǵyndarǵa tarıhta aty qalǵan fýtbol chempıondarynyń jolyn berip, úlken jetistikterge jetsin degim keledi. Kórmeniń uıymdastyrýshylaryna zor alǵysymdy bildiremin!», dedi.
Kórmede reseılik jáne sheteldik tanymal sýretshilerdiń fýtboldyń jarqyn álemine, onyń gýmanıstik qundylyqtaryna arnalǵan 100-den astam týyndylary usynyldy. Ekspozısııada Reseı, Japonııa, Italııa, Fransııa, AQSh, Shveısarııa, Úndistan, Nıderlandy, Brazılııa jáne basqa da elder sýretshileriniń jumystary bar. Olardyń arasynda tanymal qazaq sýretshileriniń týyndylary da boldy.
Parlament Májilisiniń vıse-spıkeri Vladımır Bojko: «Qazaqstan men Reseı arasynda mádenı baılanys joǵary deńgeıde ekenin atap ótken jón. Qarym-qatynastyń bul túri eki el arasyndaǵy strategııalyq baılanysqa oń yqpal etip, bir-birimizdiń jetistigimizge ortaqtasyp, halyqtar arasynda ózara túsinistik ornatady. Bul shara Reseı Federasııasy ótkizgen álem chempıonatyna arnalady. Atalǵan dúbirli chempıonat kezinde uıqysyz túnder, túrli tilekter, qoldaýlar men zor eńbekter boldy. Bul kórmeniń aldaǵy ýaqytta ózge elderde keńinen nasıhattalyp, úlken jetistikterge qol jetkizýine tilektespin», - dep jyly lebizin jetkizdi.
Qazaqstan Respýblıkasyndaǵy Reseı Federasııasynyń Tótenshe jáne О́kiletti Elshisi Alekseı Borodavkın kórmeni uıymdastyrýshylarǵa rızashylyǵyn bildire kelip, Qazaqstan Respýblıkasy Mádenıet jáne sport mınıstrligine, QR Ulttyq mýzeıge zor alǵysyn aıtty.
«О́nerdegi dop» kórmesi alǵash ret FIFA - 2018 Fýtboldan Álem chempınaty ótip jatqan ýaqytta uıymdastyrylyp, úlken jetistikke jetip, halyqaralyq rezonans týdyrdy. «Jol kartasy» Parıj, Pekın, Monako, Jeneva, Berlın, London, Seýl, Baký jáne t.b. arqyly ótetin art-kórmeniń álemdik úlken týrnesi Nur-Sultannan bastaý aldy. «О́nerdegi dop» art-kórmesin 2020 jylǵy jazda fýtboldan EVRO-2020 matchtary ótetin ýaqytta Sankt-Peterbýrgtegi «Manejde» ótkizý josparlanýda. Halyqaralyq art-týrneniń márelik núktesi fýtboldan kelesi 2022 jylǵy FIFA Álem chempıonatynyń qarsańynda taıaýshyǵystyq memleket astanasy Dohada (Qatar) bolmaq.
Jobanyń uıymdastyrýshylary Elena Kraft pen Elena Agapova halyqaralyq «О́nerdegi dop» art-jobasynyń qazaq jerinde ótýine qoldaý kórsetkeni úshin Reseı Federasııasyndaǵy Qazaqstan Respýblıkasynyń Tótenshe jáne О́kiletti Elshisi Imanǵalı Tasmaǵambetovke erekshe alǵysyn bildirdi. «О́nerdegi dop» jobasynyń uıymdastyrýshylary sonymen qatar Qazaqstan Respýblıkasy Mádenıet jáne sport mınıstrliginiń, Qazaqstan Respýblıkasy Ulttyq mýzeıiniń, Qazaqstan Fýtbol odaǵynyń basshylyqtaryna, sonymen qatar basqa da basshylar men mekemelerge rızashylyqtaryn bildirdi.
Halyqaralyq «О́nerdegi dop» jobasyna álemdik fýtbol juldyzdary, ártúrli elderdiń tanymal mádenıet pen óner qaıratkerleri, saıasatkerler men dıplomattar qoldaý kórsetýde.
Halyqaralyq «О́nerdegi dop» art-kórmesiniń Nur-Sultandaǵy ashylý saltanatyna Qazaqstan Respýblıkasynyń memleket, saıasat jáne qoǵam qaıratkerleri, fýtbol juldyzdary, jattyqtyrýshylar, dıplomatııalyq korpýs, bıznes-qaýymdastyq ókilderi, tanymal mádenıet, ǵylym jáne óner qaıratkerleri, sporttyq jastar klýbtary qatysty.
