Pavlodar sahnasynda alǵash ret, amerıkalyq balet negizin qalaǵan Djordj Balanchınniń «Serenadasy» kórsetiledi. Spektakldiń qupııa sıýjeti týraly suraqtardy toqtatý úshin, horeograftyń ózi P. Chaıkovskıı mýzykasyna qoıylǵan baletin - «onyń jalǵyz ǵana sıýjeti – serenada, qalasańyz, bul – aı astyndaǵy» dep sıpattaǵan-tyn. 1934-shi jyly synyptaǵy dáristeriniń negizinde «Serenada» baleti qoıylǵanyn esterińizge salamyz. Balettegi barlyq sıýjet ıirimderin Balanchın osy synyptaǵy dáristerinen alǵanyn aıtatyn: balerınanyń keshigip qalýy, sahnada jyǵylýy jáne t.b.
2017 jyly Balanchın Qorymen shyǵarmashylyq yntymaqtastyqta ári horeograf stıli men tehnıkasynyń standarttaryna saı jasalǵan balettiń premerasy Nur-Sultan qalasynda ótti. «Astana Balet» Djordj Balanchın baletterin sahnalaǵan Orta Azııadaǵy jalǵyz teatr.
Ekinshi bólimde, pavlodarlyq kórermen nazaryna brazılııalyq horeograf Rıkardo Amaranteniń - «Love Fear Loss» jáne «A Fuego Lento» atty bir aktili baletteri usynylady.
«Love Fear Loss» (Mahabbat Úreı Aıyrylý) – Edıt Pıaf mýzykasyna qoıylǵan, sezim órnekterinen órilgen úsh dýet. Onyń árqaısysy osy uly sezimniń túrli satylaryn sıpattaıdy: alǵash sezimge elitý, ekeýara qatynastaǵy qıynshylyqtar, súıgen janyńyzdan aıyrylǵan shaqta boıyńyzdy kernegen úreı.
«A Fuego Lento» - «baıaý jalyn» degen maǵyna bildiredi. Bul – argentınanyń uly kompozıtorlarynyń týyndylary men brazılııalyq sambo elementterinen órnektelgen balet. Ishki qýaty men harızmasynyń arqasynda bul baletti ártister ǵana emes, kórermen qaýym da jyly qabyldady. «A Fuego Lento» teatrdyń barlyq gastroldik baǵdarlamalarynda kórsetiledi. Bul balet Kovent-Garden Koroldik teatrynyń (London), Lınkoln-ortalyǵynyń (Nıý-Iork), Monakodaǵy Grımaldı Forýmnyń (Monte-Karlo) jáne ózge de áıgili teatrlardyń sahnalarynda qoıylǵan.
