Sapar aıasynda R. Vasılenko men Ulybrıtanııanyń saýda saıasaty jónindegi mınıstri Konor Bernstiń teń tóraǵalyǵymen Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Brıtan úkimetaralyq komıssııasynyń (ÚAK) 6-shy otyrysy ótti.
Ulybrıtanııa isker toptarynyń 50 astam ókilderi kirgen ÚAK-ke qatysýshylar ótken jylda atqarylǵan jumystyń qorytyndylarymen tanysyp, ekijaqty yntymaqtastyqty damytýdyń negizgi baǵyttaryn qarastyrdy. Oǵan qosa, munaı-gaz, qarjylyq, tehnologııalyq, taý-ken jáne bilim salalaryndaǵy yntymaqtastyq perspektıvalary talqylandy.
«Ulybrıtanııa Qazaqstan Respýblıkasynyń strategııalyq jáne negizgi saýda-ekonomıkalyq seriktesteriniń biri bolyp tabylady. Ulybrıtanııamen ekijaqty saýda aınalymy jyl saıyn oń dınamıka kórsetip keledi. Qazaqstannyń brıtandyq jáne basqa da Batys naryqtary úshin ashyqtyǵy Úkimetimizdiń sheteldik bızneske ınvestısııalar men saýda jasaý úshin jaǵdaı jasaý jónindegi turaqty kúsh-jigerimen aıqyndalady. Osy kúsh-jigerdiń nátıjesinde búgin jarııalanǵan Dúnıejúzilik banktiń «Doing Business 2020» reıtıngine sáıkes, Qazaqstan ótken jylmen salystyrǵanda úsh orynǵa kóterilip, 190 eldiń arasynda 25-shi oryn aldy», dedi R. Vasılenko.
Qazaqstandyq dıplomat elderimiz osy dıalogty «shıkizatty ınvestısııa men ozyq tehnologııalarǵa aıyrbastaý» formýlasy boıynsha, keıinnen qosymsha quny bar birlesken óndirister qurýǵa shyǵý arqyly odan ári nyǵaıtý qajet ekenin atap ótti.
О́z kezeginde K. Berns Ulybrıtanııa men Qazaqstan kóptegen salalarda, sonyń ishinde bilim berý, munaı-gaz, taý-ken óndirisi, qarjy, hımııa ónerkásibi, mashına jasaý, metallýrgııa jáne azamattyq avıasııa salalarynda yntymaqtastyqty damytyp kele jatqanyn aıtty.
«Qazaqstan búgin brıtandyq kompanııalar qyzyǵýshylyq tanytyp jatqan qarqyndy transformasııalanyp, ártaraptandyrylyp jatqan ekonomıka bolyp tabylady. Bizdiń Úkimet osy órkendeýshi naryqqa ınvestısııalap, qazaqstandyq fırmalarmen yntymaqtastyq ornatyp, osy eldiń ekonomıkasy usynatyn sheksiz múmkindikterdi paıdalaný úshin barlyq qajetti qoldaýdy kórsetýge daıyn», dep tolyqtyrdy K. Berns.
ÚAK sheńberinde ótkizilgen munaı-gaz, taý-ken óndiristeri, densaýlyq saqtaý, bilim berý jáne qarjylyq qyzmetter boıynsha bes jumys toptarynyń otyrystary barysynda «Astana» Halyqaralyq qarjy ortalyǵynda korporatıvti basqarýdy damytý, Qazaqstannyń azamattyq avıasııa salasyn retteýdiń jańa modelin qurý, densaýlyq saqtaý salasyndaǵy memlekettik-jekemenshik seriktestikti damytý, elimizdegi kásiptik-tehnıkalyq kolledjderdi odan ári qalyptastyrý jáne t.b. ózekti máseleler kóterildi.
Aýyldyq jerlerde sý resýrstaryn basqarý, mal sharýashylyǵy jáne qaldyqtardy basqarý máseleleri bólek talqyǵa salyndy.
Úkimetaralyq komıssııanyń kezekti otyrysyna jáne ekijaqty kelissózderge qatysýshylar saýda-ekonomıkalyq yntymaqtastyqtyń negizgi aspektileri boıynsha pikir almasyp, strategııalyq seriktestikti odan ári keńeıtýge daıyndyǵyn rastady.
Is-sharanyń nátıjesinde eki taraptyń barlyq salada strategııalyq seriktestikti nyǵaıtýdy jalǵastyrýǵa nıetin rastaǵan Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-brıtan úkimetaralyq komıssııasynyń 6-shy otyrysynyń hattamasyna qol qoıyldy.
Otyrys aıasynda «Báıterek» UBH» AQ men brıtandyq Eksporttyq kredıtterge kepildik berý agenttigi (UK Export Finance) arasyndaǵy brıtandyq bıznestiń qatysýymen QR-da ınvestısııalyq jobalardy qarjylandyrý týraly memorandým, «Artex Construction» JShS men «Independent Power Corporation» («IPC») energetıkalyq kompanııasy arasyndaǵy Batys Qazaqstandy úzdiksiz gazdyń taza kózderimen jáne jańartylatyn energııa kózderimen qamtamasyz etý úshin Aqtaý qalasynda jańa data-ortalyqty damytý boıynsha sıfrlyq birlesken kásiporyn qurý týraly ózara túsinistik týraly memorandým, «Artex Construction» JShS men «IPC» arasyndaǵy ekologııalyq taza energııany ázirleýmen aınalysatyn jáne Aqtaý qalasynda qýaty 250 MVt quramdastyrylǵan sıkldik gaz týrbınasyn salý jobasyna shoǵyrlanǵan energetıkalyq kompanııa qurý týraly kelisim, «Qazgeologııa» AQ men brıtandyq «Astra Mining» kompanııasy arasyndaǵy QR-da úsh ken ornyn barlaý týraly kelisim, qazaqstandyq «Aurora Mining» kompanııasy men brıtandyq «RPA Inc» kompanııasy arasyndaǵy jer qoınaýyn paıdalaný salasynda konsaltıngtik qyzmetter kórsetý týraly kelisim sekildi ekijaqty qujattarǵa qol qoıyldy.
