Kezdesý barysynda qazaqstandyqtar elimizdi odan ári sıfrlandyrý, halyqqa memlekettik qyzmet kórsetý jáne shalǵaı aýyl turǵyndaryn joǵary jyldamdyqty Internetpen qamtamasyz etýge qatysty túrli máselelerdi kóterdi.
Mınıstr qabyldaý kezinde qoıylǵan suraqtardyń basym bóligine jaýap berdi. Al qalǵan bóligin qarastyrý úshin Geodezııa jáne kartografııa komıteti men «Azamattarǵa arnalǵan úkimet» KEAQ basshylyǵyna tıisti materıaldardy ázirleýdi tapsyrdy.
Sonymen qatar, Aqtóbe qalasy turǵyndarynyń beıne-konferens baılanysy arqyly joldaǵan máseleleri boıynsha Asqar Jumaǵalıev aldaǵy ýaqytta Aqtóbe oblysyna jumys sapary kezinde ózimen jeke kezdesip, egjeı-tegjeıli qarastyrýdy usyndy.
«Nur Otan partııasynyń qoǵamdyq qabyldaýynda azamattarmen kezdesý óte qajet. Halyq aldynda esep berý, jumysymyzdy ashyq ári aıqyn kórsetý – Nur Otan partııasynyń tóraǵasy, Elbasy - Nursultan Nazarbaev pen Prezıdent Qasym-Jomart Toqaevtyń bizdiń aldymyzǵa qoıǵan mindetteriniń biri. Sondyqtan bul - halyqpen aradaǵy ózara baılanystyń tıimdi joldarynyń biri. Búgingi kezdesýde kóterilgen barlyq máseleler mindetti túrde muqııat qaralyp, olarǵa tolyq jaýap beremiz», dedi qoǵamdyq qabyldaý barysynda Asqar Jumaǵalıev.
