Kelissózder barysynda Qasym-Jomart Toqaev Aleksandr Lýkashenkonyń elimizge resmı sapary Qazaqstan men Belarýs arasyndaǵy ózara strategııalyq áriptestik pen ekonomıkalyq is-qımyldardyń damýyna sony serpin beretinin atap ótti.
– Aleksandr Grıgorevıch, Sizdiń saparyńyz biz úshin asa mańyzdy. О́ıtkeni bul bizdiń memleketterimiz arasyndaǵy yntymaqtastyq pen qarym-qatynastardyń shynaıy dostyq sıpatqa qurylǵanyn dáleldeıdi. Sonymen qatar eki eldiń iskerlik áriptestigine, onyń ishinde, ekonomıkalyq, gýmanıtarlyq baılanystar men halyqaralyq qarym-qatynastarǵa tyń serpin beredi, – dedi Qazaqstan Prezıdenti.
Memleket basshysy Belarýs Respýblıkasy táýelsizdiginiń negizin qalaǵan kórnekti memleket qaıratkeri Aleksandr Lýkashenkoǵa Qazaqstanda shynaıy qurmetpen qaraıtynyn atap ótti.
Aleksandr Lýkashenko Qasym-Jomart Toqaevqa qonaqjaılyq kórsetkeni úshin rızashylyǵyn bildirip, eki el arasynda qalyptasqan tarıhı dostyq baılanystarǵa nazar aýdardy.
– Qazaqstanmen aradaǵy qarym-qatynasymyz óte jaqsy ekenin, ekonomıkamyzdyń birin-biri tolyqtyryp otyratynyn jáne eki el ózara jańa múmkindikterge jol ashatynyn aıtqym keledi. Bizdiń elimizde shyǵarylatyn ónimder Qazaqstanǵa qajet. Al biz qazaqstandyq ónimderdi satyp alýǵa daıynbyz, – dedi Belarýs Prezıdenti.
