Senat Apparaty 18 jyldan astam ýaqyt boıy memlekettik jastar saıasatyn júzege asyrýǵa belsendi qatysyp keledi. Senatta jyl saıyn 30-dan 60-qa deıin stýdent tájirıbeden ótedi.
Senat Tóraǵasynyń orynbasary B.Beknazarov kezdesýde jastar týraly aıta kelip, óziniń ómirlik tájirıbesimen bólisti. Ol uly oıshyl ál-Farabıdiń «Kez-kelgen eldiń bolashaǵyn kórgiń kelse, sol elde turyp jatqan jastardyń tynys-tirshiligine qara» degen sózin eske sala otyryp, jas urpaqtyń bolashaǵyna senim bildirdi jáne tilegin jetkizdi. B.Beknazarov sondaı-aq jas mamandardyń pedagogtardyń mártebesi, memlekettik tildi damytý, bilim berý, ulttyq qundylyqtardy nyǵaıtý, Qazaqstan polısııasyndaǵy reforma jáne taǵy basqa máseleler boıynsha birqatar suraqtaryna jaýap berdi.
«Otanymyzdyń gúldenýi men ál-aýqaty Sizderdiń qoldaryńyzda. El ıgiligi úshin eńbek etińizder. Adam taǵdyryna árdaıym muqııat bolyńyzdar, óz eliniń patrıoty atanyńyzdar. Barshańyzǵa ıgilik pen tabys tileımin», - dedi B.Beknazarov.
