Aımaqtar • 25 Qazan, 2019

Úıi órtengen otbasyǵa kómek kórsetti

303 retkórsetildi

10 qazan kúni Aıagóz qalasyndaǵy Jeltoqsan kóshesi, 188 úıde órt shyǵyp, Aıjan Tóltaeva 6 balasymen qıyn jaǵdaıǵa tap bolǵan edi. Kóp balaly ana basyndaǵy osy jaǵdaıdy Aıagóz aýdanynyń ákimi Dildábek Orazbaevqa jetkizgen soń kómek kórsetý sharalary shuǵyl túrde qolǵa alynypty. Aýdandaǵy barlyq mekeme qyzmetkerleri ózderiniń bir kúndik jalaqylaryn «Aıagóz Bolashaq» qoryna aýdarypty.

páter

«Ákimdik tarapynan muqtaj otbasyna kómek kórsetý uıymdastyrylyp jatqanyn estip, qarap qala almadym. «Qara domalaq balapandar dalada qalaǵaly tur» degende júregim ezilip ketti» deıdi kásipker Talǵat Muhametqalıev. Iá, búgin osy kásipker kóp balaly anaǵa 1 mıllıon teńge qarjyny tabystapty. «Aýdan ákimi D.Orazbaev «Aıagóz Bolashaq» qoryna jınalǵan 500 myń teńgeniń sertıfıkatyn usyndy. Úıi órtenip, eńsesi túsken otbasy jańa úı alýǵa qajetti qarjy tabystalǵan soń kóńili ornyna túsip, qol ushyn sozǵan qaıyrymdy jandarǵa alǵysyn bildirdi» deıdi aýdandyq Ishki saıasat bóliminiń basshysy Medet Myrzykeshov. «Dildábek Tájibaıulyna basymdaǵy jaǵdaıdy aıtyp barǵanda birden kómek kórsetetinin aıtty. Araǵa aı salmaı jedel kómek bergenderińiz úshin alǵys bildiremin. Aýdan basshylyǵy endi otyn, kómir túsirip beretinin jetkizdi. Myń alǵys» deıdi kóp balaly ana Aıjan Tóltaeva.

 

Shyǵys Qazaqstan oblysy,

Aıagóz aýdany

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar