Sýretti túsirgen Valerıı Býgaev
Osy másele «Dostyq úıinde» ótken jıynda aıtyldy. Otyrysqa oblys ákimi Bolat Baqaýov, oblystyq Qoǵamdyq keńestiń tóraǵasy Tıto Syzdyqov pen keńes músheleri, basqarma basshylary, aýdan ákimderiniń orynbasarlary qatysty.
Qoǵamdyq keńestiń Áleýmettik-mádenı damý máseleleri jónindegi komıssııa tóraıymy Gúlbaram Naýrazbaevanyń aıtýynsha, bıyl óńirde 1791 jas turaqty jumysqa ornalassa, 648 maman aýyldarda.
Biraq Aqsý qalasy, Ýspen, Baıanaýyl aýdandarynda jastardy jumysqa turǵyzý kórsetkishi tómen ekeni anyqtalǵan.
- Qoǵamdyq keńes músheleri Sharbaqty, Ýspen, Tereńkól aýdandarynyń jastarymen kezdesý ótkizdi. Jas mamandardyń arasynda saýalnama júrgizilip, pikirlerin tyńdadyq. Jastarǵa úı, jumys kerek. Osy oraıda, satyp alý quqyǵynsyz qyzmettik úılerdi salýdy usynamyz. Jastardyń aýylda turaqtamaýyna mádenı oryndardyńbolmaýy da sebep. Aýdan ortalyqtarynyń ózinde keıbir kitaphanalarda ınternet jelisi jetpegen, - deıdi G.Naýrazbaeva.
Al, óńir basshysy B.Baqaýov qyzmettik úıge qatysty óz oıyn bildirdi.
- Aýyldardaǵy jeke menshik kásiporyndardyń mamandary úshin bıýdjet qarajatyna úı salynbaıdy. Kásipkerlerdi tartýǵa bolar. Mysaly, «Galıskoe» seriktestiginiń basshysy Aleksandr Kasısınge óz aýylynda 10 úı salýdy usyndym. Páter quny 10 mln teńge bolsa, onda 7 turǵyn úıdiń qunyn bıýdjet esebinen óteýge bolar edi. Al qalǵan 3 úı kásiporynnyń qarajatyna salynady. Biraq, bul úıler ońtústikten, Nur-Sultan qalasynan qonys aýdarǵan turǵyndarǵaberiledi, - dedi.
О́ńirde «Eńbek» baǵdarlamasy aıasynda aýyl jastaryna 505 myń teńge kóleminde qaıtarymsyz grant ta beriledi. Jáne «Jas sheber» óńirlik baǵdarlamasy júrgizilýde. Bul qoldaý arqyly 640 jas óz kásibin ashqan.
Bastysy - baǵdarlamalardyń shartyn halyqqa durys jetkizý úshin aqparattandyrý jumystaryna aýdan, aýyl ákimdikteriniń belsendiligi kerek.
Otyrysta Qoǵamdyq keńes músheleri «Jastar bastamalaryn qoldaýǵa arnalǵan» jol kartasyn ázirlep, jas mamandardyń aýylda qalýyna jaǵdaıdy jasaý kerektigin aıtty.
