TMD ÚBK shaǵyn quramda ótken otyrysynda Qazaqstan Premer-Mınıstri Dostastyq aıasynda saýda kooperasııasyn odan ári nyǵaıtý, «ósýdiń jańa núktelerin» izdeý jáne ınvestısııalyq kapıtaldy tartý máselelerinde proaktıvti pozısııany qalyptastyrýdyń qajettiligine nazar aýdardy.
Úkimet basshysy aldaǵy úsh jylǵa arnalǵan TMD ınvestısııalyq strategııasyn ázirleýdi, ozyq tájirıbelermen almasý jáne qarjylyq qyzmetterdi ózara usyný jumystaryn jandandyrý úshin «Astana» halyqaralyq qarjy ortalyǵynyń (AHQO) múmkindikterin paıdalanýdy usyndy.
Premer-Mınıstr TMD aıasynda kórsetiletin qyzmetterdiń erkin saýdasy týraly kelisim jobasyn kelisý jumystaryn jedeldetýdiń mańyzdylyǵyn atap ótti, sondaı-aq TMD elderiniń ónerkásiptik kooperasııasyn damytýdyń 2025 jylǵa deıingi jańa baǵdarlamasyn ázirleý týraly bastama kóterdi.
TMD ÚBK shaǵyn jáne keńeıtilgen quramdardaǵy otyrystarynyń qorytyndylary boıynsha birqatar qujattar qabyldandy, onyń ishinde TMD-ǵa múshe memleketterdiń qoǵamdy sıfrlyq damytý salasyndaǵy yntymaqtastyq tujyrymdamasy jáne ony iske asyrýdyń birinshi kezektegi is-sharalar jospary, TMD-ǵa qatysýshy memleketterdiń aqparattyq qaýipsizdigin qamtamasyz etý strategııasy jáne t.b. bar. Dostastyqqa tóraǵalyq etý Túrikmenstannan О́zbekstanǵa ótti, TMD ÚBK kezekti otyrysyn 2020 jylǵy mamyr aıynda Tashkent qalasynda ótkizý josparlandy.
Eýrazııalyq úkimetaralyq keńes (EÚAK) otyrysynda QR Premer-Mınıstri A. Mamın ózara saýda-sattyqty damytý jolynda basymdyqty mindet retinde EAEO ishki naryǵyndaǵy ákimshilik kedergilerdi keshendi túrde joıýdy atady.
«Bıznes betpe-bet kelip otyrǵan qoldanystaǵy Kedergilerdi joıý tártibi transparenttilikti jáne qabyldanatyn sheshimderdiń tıimdiligin qamtamasyz etýge múmkindik bermeıdi. Osyǵan baılanysty Tártipke túzetýler Eýrazııalyq ekonomıkalyq komıssııaǵa (EEK) joldandy, bul túzetýler sheshimderdi ázirleý prosesin retteýge jáne shaǵymdardy qarastyrý merzimin qysqartýǵa múmkindik beredi», — dedi A. Mamın.
Qazaqstan Premer-Mınıstri EAEO-ǵa múshe memleketterdiń úkimetterin Eýrazııalyq ekonomıkalyq odaqta sıfrlyq saýdany damytý úshin jaǵdaılar jasaý boıynsha ázirlenip jatqan Jol kartasy aıasynda úshinshi elderge taýarlar men qyzmetter eksportyn yntalandyrýǵa jáne sıfrlyq saýda arnalaryn damytýǵa erekshe kóńil bólýge shaqyrdy.
Úkimet basshysy úshinshi elderdiń aýyl sharýashylyǵy naryqtaryna shyǵý boıynsha birlesken jumystardy júrgizý qajettigin atap ótti.
«EEK-ke bizdiń aýyl sharýashylyǵy ónimderimizdiń shetel naryqtarynda bolýyna taldaý júrgizip, biz básekeles bolyp otyrǵan taýarlar tizimin anyqtap, eksportty ulǵaıtý úshin naqty sharalar usynýdy tapsyrýdy usynamyn», — dedi Premer-Mınıstr.
A. Mamın EAEO aıasynda mobıldi operatorlardyń roýmıngin kezeń-kezeńmen alyp tastaý boıynsha birlesken jospardy ázirlep, iske asyrýdy usyndy.
«EAEO-ǵa múshe memleketterdiń árbir azamaty ekonomıkalyq ıntegrasııanyń naqty paıdasyn sezinýi tıis. Tehnologııalar turǵysynan “ózimizge” jáne “qonaqtarǵa” qyzmet kórsetýde esh aıyrmashylyq joq. Másele zańnamalar men operatoraralyq tarıfterdiń aıyrmashylyqtarynda. Eýropalyq odaq roýmıngti alyp tastaýǵa 10 jyl boıy tyrysty, sonyń nátıjesinde 2017 jyly ol alynyp tastaldy», — dedi Qazaqstan Úkimetiniń basshysy.
Premer-Mınıstr ómirlik mańyzy bar dári-dármekter naryqtarynda básekeli jaǵdaılar jasaý boıynsha usynystar ázirlep, osy saladaǵy halyqaralyq erejelerdi eskerýmen qosymsha tekserý rásimderin júrgizbeı-aq, ózara moıyndaý múmkin bolatyn preparattar jelisin naqtylaýdy usyndy.
EÚAK otyrysynyń qorytyndysy boıynsha Serbııa Respýblıkasymen Erkin saýda aımaǵy týraly kelisimge, Aýyl sharýashylyǵynda maldarǵa seleksııalyq-asyl tuqymdandyrý jumystaryn júrgizýdi biregeılendirýge baǵyttalǵan sharalar týraly kelisimge, Baǵaly metaldar jáne baǵaly tastarmen operasııalar júrgizýdiń erekshelikteri týraly kelisimge jáne birqatar basqa qujattarǵa qol qoıyldy.
Sonymen qatar, sapar aıasynda Premer-Mınıstr A. Mamın RF Úkimetiniń Tóraǵasy D. Medvedevpen ekijaqty kelissózder ótkizdi, onyń barysynda saýda-ekonomıkalyq ózara is-qımyldy, tranzıttik-kólik jáne ónerkásiptik salalardaǵy yntymaqtastyqty odan ári damytý máseleleri talqylandy.
