Vıse-premer múgedekterdi ońaltýdyń zamanaýı tehnologııalarymen tanysty. Munda muqtajdarǵa medısınalyq, psıhologııalyq, pedagogıkalyq, eńbek jáne turmystyq qyzmetter kórsetiledi.
Ortalyq 2012 jyly paıdalanýǵa berilgen. Onyń jalpy aýmaǵy 17,6 gektar. Ǵımarattyń aýdany 82,6 myń sharshy metr. Ortalyqtyń eki qabatty ǵımaraty 5 bloktan turady. Olardyń árqaısysynda ashana, emdeý kabıneti jáne demalys bólmeleri ornalasqan. Ortalyq tolyǵymen zamanaýı kabınettermen jabdyqtalǵan.Munda emdelýshiler bıovanna, sensorlyq kabınetterde de em alady. Demalys úshin akt zaly, tigin sheberhanasy, aǵash buıymdaryn daıyndaý sheberhanasy jáne kitaphana jumysy uıymdastyrylǵan.
Áleýmettik qyzmetkerler kúnine arnalǵan merekelik is-sharaǵa oblys ákimi Qýanyshbek Ysqaqov jáne Qazaqstan Respýblıkasynyń Eńbek jáne halyqty áleýmettik qorǵaý mınıstri men vıse- premer Berdibek Mashbekuly qatysty.
«Sizderdiń eńbekterińiz mańyzdy kásipterdiń biri . Sizder qıyn jaǵdaıǵa dýshar bolǵan adamdarǵa jáne kómek pen qoldaýdy qajet etetin jandarǵa qyzmet etesizder. Sizderdiń kúndelikti orasan eńbekterińizdiń arqasynda bizdiń azamattarymyzdyń áleýmettik jaǵdaıy jaqsarady. Mereke kúni Sizderdiń qajyrly eńbekterińiz, adamdarǵa degen aq peıilderińiz ben shynaıy mahabbattaryńyz úshin shyn júrekten alǵys bildirýge ruqsat etińizder»,- dedi B. Saparbaev.
Sondaı-aq, vıse-premer kelesi jyldan bastap áleýmettik qyzmetkerlerdiń jalaqysy orta eseppen 30 paıyzǵa artatynyn aıtty.
Oblystyń úzdik áleýmettik qyzmetkerlerine Premer-Mınıstrdiń orynbasary men Oblys ákiminiń alǵys hattary, Eńbek jáne halyqty áleýmettik qorǵaý mınıstrliginiń «Áleýmettik sala úzdigi» tósbelgileri, sondaı-aq, estelik syılyqtar tabys etildi.
Ortalyq 1 jáne 2-toptaǵy múgedekterge sapaly arnaıy áleýmettik kómek kórsetý úshin qajetti barlyq zamanaýı qural jabdyqtarmen jabdyqtalǵan. Kórsetilgen qyzmetterdiń arqasynda sońǵy 6 jylda 57 arbadaǵy múmkindigi shekteýli jan aıaǵynan turǵan, 284 adamnyń qol jáne aıaq qozǵalysy jaqsarǵan, 170 adam turmystyq ózine – ózi qyzmet kórsetýge beıimdegen , 110 jannyń múgedektik toptaǵy kórsetkishi tómendep, jumysqa ornalastyrylǵan sonymen qatar, 66 adam óz kásibin ashýǵa múmkindik alǵan.
Sapaly qyzmet kórsetýmen birge ortalyqta úkimettik emes uıymdarmen áleýmettik mańyzdy jobalardy iske asyrý boıynsha birlesken jumystar da júrgiziledi.
