Qoǵamdyq qabyldaýǵa jaýapty organdardyń basshylary qatysty. Kelýshilerdiń biri-kásipker, memlekettik baǵdarlamanyń qatysýshysy Ánýarbek Dalabaev ótken jyly «Agrarlyq-nesıelik korporasııasy» arqyly 30 mln teńge nesıe rásimdep, iri qara mal alýdy josparlaǵan. Biraq «MTS Jaıma» JShS maldardy jetkizip bermegen. Kelisimshart jasalǵan. Bıyl 10 mıllıon teńge kóleminde aldyn ala tólem jasap qoıǵan. Oblystyq polısııa departamenti tergeý basqarmasynyń bastyǵy Rashat О́teýov tergeý bastalǵanyn aıtty. Kásipkerge partııa fılıaly tarapynan zańgerlik qoldaý kórsetiledi.
Al, kóp balaly ana Janna Qojambaeva balasynyń oqýyna grant suraý úshin Ekibastuz qalasynan keldi. Qaraǵandy medısınalyq ýnıversıtetinde aqyly bólimde bilim alýda.
Bıyl medısına salasy boıynsha oblys ákiminiń grantyn utyp alǵan 4 stýdent oqýdan bas tartqan. Sondyqtan, bir grant endi Janna Qojambaevanyń qyzyna beriletin boldy. О́zge granttar da basqalarǵa tapsyrylady.
Gúlnár Dosmaǵambetova óńir basshysynan úı máselesin sheshýde kómek kórsetýin surady. Bolat Baqaýov jalǵyzbasty anaǵa aýyldyq jerge kóship, bos turǵan úıdi paıdalanýdy usyndy. G.Dosmaǵambetova aýylǵa kóshýge daıyn ekenin jetkizip, alǵysyn bildirdi.
Páter kezeginde turǵan Zarına Mýkına balalarymen birge páter jaldap turýda. Oblys ákimi Z.Mýkına jumys istep jatqan tramvaı basqarmasymen baılanysqa shyǵatynyn aıtty.
Al, Rysken Janǵojına oblys ortalyǵyndaǵykósheniń birine ákesi Jumabek Janǵojınniń esimi berilse eken deıdi.
Ákesi Aqqýly aýdanynda týǵan, Sosıalıstik Eńbek Eri. 1966-1971 jyldar aralyǵynda «Oblystyń úzdik shopany», 1972-1987 jyldary «Respýblıkanyń úzdik shopany» atanǵan.Oblystyq mádenıet basqarmasynyń basshysy Ernur Dáýenov Mádenıet jáne sport mınıstrligine hat joldanǵanyn aıtty.
Qoǵamdyq qabyldaýǵa kelgenderderdiń qatarynda jer ýchaskesin alý, páter ıeleriniń kooperatıviniń jumysyna shaǵym túsirý, kitap shyǵarý isine kómek kórsetý boıynsha saýal qoıǵandar boldy. Oblys ákimi barlyq máseleni tyńdap, basqarma basshylaryna tıisti tapsyrma berdi.
