Osy aıtýly joba aıasynda Shymkent qalasyndaǵy mektepterdiń 6-10-synyp oqýshylary arasynda respýblıkalyq «Tulpar minip, tý alǵan!» baıqaýy ótedi. Bul týraly qalalyq ákimdiktiń aqparattyq-kommýnıkasııa ortalyǵynda ótken baspasóz brıfınginde aıtyldy.
Baıqaý qarsańynda Shymkent qalasyndaǵy S.Erýbaev atyndaǵy №24 mektep-lıseıde «Tulpar minip, tý alǵan!» baıqaýynyń tanystyrylymy boldy. Jıynǵa qala mektepteriniń qazaq ádebıeti pániniń muǵalimderi men saıys úmitkerleri qatysty. Búginde atalǵan dodada baq synaýǵa qaladaǵy 116 mektepten 1094 oqýshy, 610 muǵalim nıet bildirgen. Baıqaýdyń aýdandyq irikteý kezeńderi 28-31 qazan aralyǵynda, qalalyq kezeń 6 qarasha kúni ótedi dep josparlanýda.
«Qatysýshylar jyrdy tolyq jattap, kónergen sózderdiń maǵynasyn túsindirýi tıis. Sondaı-aq ádebıet páninen qoıylatyn suraqtarǵa jaýap beredi. Qalalyq kezeńde 4 aýdannan 3 oqýshydan iriktelip, 12 qatysýshy baq synaıdy. Bıyl «Tulpar minip, tý alǵan» baıqaýynda oqýshylar 132 bet, 5206 joldan turatyn «Qobylandy batyr» jyrynyń Marabaı jyraý nusqasyn jatqa aıtpaq. Is-sharanyń tanystyrylymyna kelgen úmitkerlerdiń arasynan 100 betke deıin jattaǵan oqýshylar iriktelip, daıyndyǵy pysyqtaldy», dedi «Qazaq Epos» qoǵamdyq qorynyń Shymkent qalasy boıynsha uıymdastyrý komıtetiniń jetekshisi Kenjebaı Nurdáýlet.
Bıyl joba respýblıkalyq aýqymda ótýde. Jeńimpaz 1 mıllıon teńge júldege ıe bolady. 2-orynǵa – 600 myń, al 3-orynǵa 300 myń teńge beriledi.
О́skeleń urpaqty halyq poezııasyna, qazaq halqynyń rýhanı asyl murasyna degen súıispenshilikke jáne patrıotızmge tárbıeleýge shaqyratyn baıqaýǵa nıet bildirgen jas óskinderdiń qatary jyl ótken saıyn artyp keledi. Jas býyndy eldik pen erlik rýhqa, namysshyldyq, qaısarlyq qasıetterge baýlý kerek deıdi uıymdastyrýshylar.
ShYMKENT
