Aımaqtar • 28 Qazan, 2019

Shyǵys jurty shaıyryn ardaqtady

63 retkórsetildi

Al jaza ber!

Mende qansha ómirbaıan bar deısiń,

Armany óleń, súıgeni kúı men án deısiń.

О́zin ózi órtep júrgen jan deısiń,

Júregi jomart, nıeti áppaq tań deısiń.

...Qaǵazdy jaı, qalamyńdy al qolyńa,

Anketanyń árbir úńil jolyna,

Aıtqanymnyń bárin toltyr toryńa.

Adam dep jaz, anyqtap jaz ony da,

Aqyn degen sózdi tirke sońyna.

Jaqynda О́skemendegi Pýshkın atyndaǵy oblystyq kitaphanada kezinde osylaısha jyr tolǵaǵan syr­­shyl aqyn, Hamıt Balsha­be­kovtiń 80 jyldyǵyna oraı «Taýlar uıyqtamaıdy» atty kitabynyń tusaý­keser rásimi ótti. Sal­tanatty shara barysynda sóz alǵan Qazaqstan Ja­zý­shylar odaǵy oblystyq fılıa­lynyń dırektory Álibek Qańtarbaev «Shyǵystyń Muqaǵalıy» atanǵan, Tar­baǵataıdyń týmasy Hamıt aqyn­nyń shyǵarmashylyǵyna, taǵdyryna toq­talyp: «Hamańnyń ómir­den ótkenine 12 jyl bolsa da, jyrsúıer qaýymǵa qaldyrǵan muralary az emes. Aqynnyń keshin kitaphananyń kish­kentaı zalynda emes, oblystyq teatrdyń úlken zalynda ótkizsek te artyq emes edi. О́ıtkeni Balshabekov osyndaı qurmetke laıyq aqyn. Men biletin bir shyndyq bar. XX ǵasyrdyń ekinshi jartysynda Shyǵysta Hamıttan asqan aqyn bolǵan joq. Hamıt aǵanyń bir ereksheligi, onyń poezııasynda saıa­sat joq. Hamıttyń óleńderi tunyp turǵan lırıka» dedi.

Reti kelgende aıta keteıik, aqyn­nyń «Taýlar uıyqtamaıdy» kitabyna ǵalym Aıjan Qartaeva redaktorlyq etse, týyndynyń jaryq kórýine kúı­­shi Shalqar Rysqanov uıytqy bolypty. Qaırat Malǵajdarov, Zııadan Bekzadauly, Ershiken Ydyryshev, Dáý­ren Malǵajdarov syndy azamattar demeýshilik jasapty.

 

О́SKEMEN

 

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar