Nur-Sultan qalasy ákimdiginiń Tilderdi damytý jáne arhıv isi basqarmasy, «Rýhanııat» kommýnaldyq memlekettik mekemesi 31 qazan kúni saǵat 16:00-de Oqýshylar saraıynda «Rýhanı jańǵyrý» baǵdarlamasy aıasynda, Alash qaıratkerleri, ult aǵartýshylary Sultanbek Qojanuly, Haıretdın Bolǵanbaı, Asylbek Seıit, Teljan Shonanulynyń 125 jyldyǵyna arnalǵan «Ulylyqqa taǵzym» tarıhı-tanymdyq is-sharasyn ótkizedi.
Sharanyń maqsaty ult muraty jolynda ólsheýsiz eńbek etken Alash ardaqtylary hám tarıhı iri tulǵalardyń esimin, eńbegin ulyqtaý, sol arqyly jas urpaqty ultyn, tilin, tarıhyn qurmetteýge tárbıeleý, tanym kókjıegin keńeıtý. Ulylardyń qaıratkerligin, muralaryn kópshilik qaýymǵa nasıhattaý. Elorda jastarynyń bilimin shyńdaý ári rýhanı qýatyn arttyrý.
Tarıhı-tanymdyq is-shara barysynda Alashtyń aıaýly azamattary týraly beınesıýjetter kórsetiledi, ult tulǵalaryn, tarıhı jolyn zertteýshi ǵalymdar oı-pikirlerin ortaǵa salady, teatrlandyrylǵan baǵdarlama usynylady. Sondaı-aq qaıratkerlerdiń urpaqtary, týysqandary atalǵan sharaǵa arnaıy shaqyrylǵan.
