Qazaqstan • 28 Qazan, 2019

Eń úzdik startaptar marapattaldy

117 retkórsetildi

Shara demeýshileriniń biri bolyp, Qazaqstandaǵy startap mádenıeti men joǵary tehnologııalyq jobalardy damytýdy qoldaý men yntalandyrýǵa árqashanda úlken basymdyq beretin Huawei kompanııasy boldy.

Tehnologııalyq kásipkerler sanynyń ósýin yntalandyratyn, aqparattyq-kommýnıkasııalyq naryqtaǵy jańa oıynshylardy izdeýge jáne qoldaýǵa baǵyttalǵan, Astana Hab halyqaralyq IT startap tehnologııalyq parki qurǵan «ASTANA HUB BATTLE» baıqaýy 2019 jyldyń 25 qyrkúıek aıynyń 25 bastalyp, 20 qazanǵa deıin sozyldy.

Úsh kezeńnen  turatyn irikteý qorytyndysy boıynsha 1 oryn úshin 15000 AQSh dollary, 2 oryn úshin 10000 AQSh dollary jáne 3 oryn úshin 5000 AQSh dollary kólemindegi aqshalaı syılyqtardyń jeńimpazdary anyqtaldy. Baıqaýǵa 100 jýyq startap qatysty.

Halyqaralyq forýmnyń eki kúninde komandalar qonaqtardy, sheteldik sarapshylardy, sondaı-aq áleýetti ınvestorlar men seriktesterdi óz ónimderimen tanystyrýǵa múmkindik aldy.

Ekinshi oryn ıegerlerin marapattaı otyryp, kompanııanyń qazaqstandyǵy ofısiniń memlekettik organdarmen jumys jónindegi dırektory Andreı Jeltıkov myrza: «Biz osyndaı jarqyn jobaǵa qatysyp, konkýrs jeńimpazdaryn qurmettegenimizge qýanyshtymyz. Huawei qazaqstandyq IT-startaptardyń ortalyǵy Astana Habta ınnovasııalyq ortalyq qurý arqyly joǵary tehnologııalyq jobalardy qoldaýǵa óz úlesin qosty, startaptardyń tehnologııalardy synaqtan ótkizip, Huawei-diń tájirıbesi men sheshimderin qoldanýyna múmkinshilik týǵyzdy. Biz budan ári de osy salanyń damýyn yntalandyratyn bolamyz» dep baıandady.

2018 jylǵy qarashada Huawei Astana Hab tehnoparkiniń aýmaǵynda birlesken ınnovasııalyq ortalyǵyn ashyp, qazaqstandyq startap jobalarynyń mádenıetin damytýǵa qoldaý kórsete kele, sondaı-aq jergilikti ázirleýshilermen yntymaqtastyqqa daıyn ekendigin kórsetti. Innovasııalyq zerthanany ashýdyń negizgi maqsaty - otandyq startaptar úshin Huawei-diń ınjenerlik resýrstaryn paıdalanýǵa múmkindik beretin tehnologııalyq ekojúıe qurý, sonymen qatar olardyń sheshimderin ázirleý jáne synaqtan ótkizý, teorııalyq bilimderin praktıkada óńdeýge múmkindik týǵyzý jáne kompanııa sarapshylary ótkizetin trenıngterge, semınarlarǵa jáne semınarlarǵa startaptar múshelerin qatystyrý arqyly mamandardyń quzyrettilikterin arttyrý.

Huawei birlesken ınnovasııalyq ortalyǵy jumysynyń negizgi baǵyttary - qarjy, kólik, energetıka, munaı-gaz salasy jáne qoǵamdyq qaýipsizdik. Innovasııalyq ortalyq josparlaý kezeńinde, jobanyń aıaqtalǵannan keıingi naqty ómirdegi keıpin aldyn-ala kórýge múmkindik beredi.

Sonymen qatar kompanııa forým kúnderi stýdentterge bıyl ǵana esigin ashqan ASTANA IT University aýmaǵynda Huawei-diń Aqparatty-Kommýnıkasııalyq Tehnologııalar jaıynda bilim beretin Huawei ICT akademııasynyń tusaýyn kesti. Atalmysh akademııa jas talanttardyń IT-salasyndaǵy bilimderi men daǵdylaryn álemdik deńgeıge shyǵarýǵa septigin tıgizedi.

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

Uqsas jańalyqtar