Oblystyq IIB bóliminiń baspasóz qyzmetiniń habarlaýyna qaraǵanda oqıǵa ornyna sýyt kelgen quqyq qorǵaý organdary jedel bólimderiniń qyzmetkerleri 123 adamdy, onyń ishinde 46 balany qaýipsiz jerge shyǵaryp, 9 qabatty úıdiń aınalasyn qorshaýǵa alǵan. Jarylǵysh zattardy izdeý jónindegi mamandar ıtterdi qoldanyp, ǵımaratty tekserip shyqqan. Barlyq operasııa bir jarym saǵatqa sozylyp, osy ýaqyt aralyǵynda qońyraý shalýshy da anyqtalǵan. Ol 1987 jyly týǵan qala turǵyndarynyń biri bolyp shyqty. Habardy buzaqylyq nıetpen jasaǵanyn ol birden moıyndaǵan.
Polısııa departamentiniń Ekstremızm men terrorızmge qarsy is-qımyl basqarmasynyń bastyǵy, polısııa maıory Rýslan Muhambetjanovtyń aıtýyna qaraǵanda kúdikti buryn sottalmaǵan, ustalǵan sátte de mastyǵy tarqamaǵan adam bolyp shyqqan. Qazir ol Petropavl qalasynyń IIB jetkizilip, oǵan bultartpaý sharasyn qoldaný týraly másele sheshilýde. Atalǵan fakti Qylmystyq kodekstiń 273-baby - «Terrorızm aktisi týraly kórineý jalǵan habarlaý» boıynsha Sotqa deıingi tergep-tekserýlerdiń biryńǵaı tizilimine engizilgen. Bul bap boıynsha aıyppuldan bastap 5 jylǵa deıin bas bostandyǵynan aıyrý jazasy kózdelgen.«Qazir quqyq qorǵaý organdarynda aram oımen qońyraý shalýshylardy anyqtaýǵa arnalǵan tehnıkalyq qurylǵylar bar. Biz qanshama adamdy bosqa áýre-sarsańǵa salǵan kez kelgen erikken adamdy taýyp, ádil jazasyn tarttyrýǵa múmkindigimiz bar» -deıdi Rýslan Muhambetjanov.
