Atap aıtqanda, Reseı Federasııasy Tabıǵı resýrstar jəne ekologııa mınıstri Dmıtrıı Kobylkınmen jəne «Rosgeologııa» AQ basqarma tóraǵasy Sergeı Gorkovpen kezdesti.
D. Kobylkınmen kezdesýde Qazaqstan Ekologııa mınıstrligi basshysy ekologııa salasyndaǵy jəne transshekaralyq ózenderge, onyń ishinde Oral ózeni sýynyń azaıýyna qatysty birqatar problemalyq məselelerdi kóterdi.
«Bizdiń sarapshylarymyz bul aımaqtaǵy ekologııalyq jaǵdaıdy baǵalaýǵa jəne Oral ózenin saqtaýǵa baǵyttalǵan baǵdarlamalardy odan əri qurý jəne iske asyrýǵa arnalǵan ǵylymı dəleldengen qorytyndylar jasaýǵa múmkindik beretin keń kólemdi ǵylymı zertteýler júrgizý qajettigi týraly ortaq pikirge keldi», - dep atap ótti M. Myrzaǵalıev kezdesý barysynda.
Ol sondaı-aq reseılik əriptesterdi «Jaıyq (Oral) ózeniniń transshekaralyq basseınin saýyqtyrý baǵdarlamasyn» əzirleýdi jedeldetýge shaqyrdy.
Sondaı-aq 2020 jyly Kókshetaý qalasynda Qazaqstan men Reseı arasyndaǵy «Ekologııa salasyndaǵy yntymaqtastyq» taqyrybyndaǵy 17 aımaqaralyq yntymaqtastyq forýmyn ótkizý josparlandy.
«Rosgeologııa» basshysymen kezdesýde Qazaqstannyń Kaspıı mańy oıpaty, Ertis ózeni, Soltústik Torǵaı munaıly gazdy atyrap basseıniniń kómirsýtek shıkizaty resýrstyq qýatyn baǵalaý boıynsha birlesken ǵylymı-zertteý jumystaryn ótkizý múmkindigi talqylandy.
Búgingi kúni «Rosgeologııa» kompanııasy men «Qazgeologııa» AQ arasynda kelisim, sondaı-aq О́zara is-qımyldy damytý jóninde 2019-2020 jyldarǵa arnalǵan is-sharalar jospary bekitilgenin atap ótken jón.
