Senator Mıhaıl Bortnık zań jobasy memlekettik qyzmet kórsetýdi jetildirý maqsatynda ázirlengenin atap ótti.
«Qaralyp otyrǵan zań jobasy jeke jáne zańdy tulǵalarǵa memlekettik qyzmetterdi alýdy ońaılatý boıynsha memleket saıasatyn júzege asyrýdy qamtamasyz etedi», - dedi senator.
Sondaı-aq Qazaqstan Respýblıkasynyń tiziliminde qarastyrylǵan memlekettik qyzmetter sany únemi ósip kele jatqany aıtyldy. 2007 jyldan bastap 2019 jylǵa deıin bul tizimde 740 qyzmet kórsetilgen, bul qyzmetterdiń 72% elektrondyq túrde kórsetiledi. Bul júıeni odan ári jetildirý úshin depýtattar toby 47 zańnamalyq aktige túzetýler ázirlep, engizetin bolady.
Zań jobasymen memlekettik organdardyń elektrondyq sıpattaǵy memlekettik jańa qyzmetterdi kórsetý jónindegi quzyreti tolyqtyrylady. Memlekettik áleýmettik járdemaqylar taǵaıyndaý kezindegi memlekettik qyzmet kórsetý rásimderi naqtylanady, sondaı-aq azamattyq hal aktilerin memlekettik tirkeý, zańdy tulǵalardy tirkeý jáne fılıaldar men ókildikterdi eseptik tirkeý qyzmetteri ońtaılandyrylady.
Odan basqa, bank jáne saqtandyrý qyzmetteri sýbektilerine, kredıttik bıýroǵa ruqsat berý tártibi men merzimderin, sondaı-aq aksııalar shyǵarylymyn tirkeý kezinde memlekettik qyzmet kórsetý rásimderin ońtaılandyrý usynylady.
Otyrys qorytyndysy boıynsha zań jobasy Senattyń qaraýyna jiberildi.
