Prezıdent • 29 Qazan, 2019

Prezıdent «Múgedek balalar ata-analarynyń assosıasııasy» qoǵamdyq birlestigine bardy

240 ret

kórsetildi

1 mın

oqý úshin

Memleket basshysy Almaty qalasyna jasaǵan jumys sapary aıasynda «Múgedek balalar ata-analarynyń assosıasııasy» qoǵamdyq birlestiginiń BSSA balalarǵa arnalǵan belsendi ońaltý jáne erte jastan qoldaý ortalyǵyna bardy. Bul týraly Aqordanyń baspasóz qyzmeti habarlady.

Egemen Qazaqstan

Prezıdent «Múgedek balalar ata-analarynyń assosıasııasy» qoǵamdyq birlestigine bardy

Ortalyq múgedek balalar men qımyl-tirek apparatynda aqaýy bar 18 jastan asqan adamdar úshin arnaıy áleýmettik qyzmet kórsetýge mamandandyrylǵan. Qasym-Jomart Toqaev ońaltý bólmelerin aralap kórip, qyzmetkerlermen áńgimelesti. Memleket basshysyna balalar múgedektiginiń aldyn alýǵa, BSSA-men aýyratyn balalardy kópjaqty ońaltýǵa jáne jan-jaqty áleýmettik turǵydan jetildirýge baǵyttalǵan pılottyq jobanyń júzege asyrylý barysy týraly baıandaldy.

Prezıdent atalǵan jobanyń izgi maqsatyn atap ótip, ony búkil Respýblıka kóleminde taratýdyń mańyzdylyǵyn aıtty. Qasym-Jomart Toqaevtyń aıtýynsha, mundaı mekemelerdi memlekettik-jekemenshik seriktestik tetikteriniń jáne demeýshilerdiń qarjysyna ashý qajet.

Sońynda Memleket basshysy Ortalyqqa arnaıy jabdyqtalǵan shaǵyn avtobýs tartý etti.