Aımaqtar • 30 Qazan, 2019

Alqambek áýleti senimge laıyq

28 retkórsetildi

Qoǵamdyq tártipti qadaǵalap, el tynyshtyǵy saqtaý – abyroıly mindet. Osyndaı mindet júktelgen qyzmet barysynda qatal jaýapkershilikke baǵynatyn quqyq qorǵaý salasynyń qyzmetkerleri az emes.

 

Al, Jelezın aýdandyq polısııa bólimi bastyǵynyń mindetin atqarýshy, polısııa podpolkovnıgi Nurhan Alqambekuly Qul­ma­ǵanbetovtiń de polısııa qyz­me­tin­de­gi ózindik joly bar.

Nurhan Alqambekuly mılısııa dep atalatyn qyzmetke elimizdiń quqyq qorǵaý oryndary endi ǵana jańasha qurylyp jatqan kezde, ıaǵnı 1991 jyly kelipti. Qatardaǵy mılısıoner, ýchaskelik polısııa ınspektory bola júrip, quqyq qorǵaý salasyndaǵy búgingi qyzmet dárejesine jetken.

– Qazir eske alsam, qyzmettegi ár jyldyń qıyndyǵy, jetistigi, barlyǵy da shydamdylyqqa, óz isińe degen mindet pen jaýapkershilikten turady eken. Qatardaǵy mılısıoner, ýchaskelik polısııa ınspektory bolsa ózińe berilgen aýmaqty jete bilý mańyzdy. Sol aýmaqtyń tynyshtyǵyna jaýap beresiz, ekinshiden, ómir boıy sabaq bolarlyq úlken tájirıbeden ótesiz. Ol kezde kompıýter, beınebaqylaý bolǵan joq. Turǵyndar bizge ǵana senim artatyn. Qazir qaýipsizdikti saqtaý úshin ár jerde beınebaqylaý ornatylǵan. Tártip buzýshylyqqa monıtorıng júrgizip, jedel jıynnan soń, jumysqa kirisetinbiz, – deıdi polısııa podpolkovnıgi.

Sóıtip, 2005 jyly Nurhan Alqambekuly Ishki ister mınıstrligi janyndaǵy akademııany bitirip shyǵady. Akademııany bitirgen soń, elge qaıta oralyp, ishki ister basqarmasyna qarasty Jol polısııasynda qyzmet atqa­ra­dy.

О́ńirdegi Aqtoǵaı, Jelezın, Ertis, Tereńkól aýdandarynyń jol polısııalary qyzmetin baqylaıtyn bólimniń aǵa avtoınspektory bolady. Al 2017 jyly Nurhan Alqambekuly aýdandyq jergilikti polısııa bóliminiń basshysy bolyp taǵaıyndalady.

Elbasy usynǵan Ult jos­pa­ry­nyń 30 qadamyn júze­ge asyrý aıasynda 2016 jyly eli­miz­de Jergilikti polısııa qyzmeti qurylǵany belgi­li. Jergilikti polısııa qyzmeti usaq quqyq buzý­shylyqqa nóldik tó­zim­dilik qaǵıdatyn ustana otyryp, ju­mys isteıdi. Sonymen qatar quqyq buzýshylyqtardyń pro­fılak­tıkasy, qoǵamdyq tár­tip­ti saqtaý, qylmystyq quqyq buzý­shy­lyqtardyń aldyn alý jáne jolyn kesý, ákimshilik qu­qyq buzýshylyq boıynsha is júrgizý, qylmystyq teris qy­lyq­tar boıynsha hattamalyq nysanda sotqa deıingi tergep-tekserý sharalary júzege asyrylady.

– Jergilikti polısııa qyzmetiniń basty maqsaty – eń aldymen halyq­pen tyǵyz qarym-katynas ornatý. Olar kósheler men basqa da qoǵam­dyq oryndarda quqyqtyq tár­tipti saqtaý, jol qaýipsizdigin qam­ta­masyz etý jáne quqyq buzý­shylyqty ońaltý arqyly halyq­qa jaqyn bola túsedi, – deıdi N.Alqambekuly.

Qazir polısııa podpolkovnııgi Nurhan Alqambekuly aýdandyq polısııa bólimi bastyǵynyń mindetin atqarýda. О́zi qyzmet atqa­ratyn Jelezın – erekshe aýdan. Ol Reseımen shekaralas, orman­dy, Ertis ózeniniń jaǵa­syn­da ornalasqan. Sondyqtan aýdan quqyq qorǵaýshylary ártúrli baǵytta tynymsyz eńbek etýde. Zańsyz balyq, ań aýlaýshylardyń bolmaýyn, qaıyńdy ormannyń saqtalýyn, mal urlyǵynyń oryn almaýyn, úıde qarý saqtaýshylardyń ony óz erikterimen ótkizýlerin qam­ta­­masyz etý baǵytyna basymdyq be­ril­di.

Aýdandyq polısııa bólimi jer­gi­­likti halyqpen Nur Otan par­­tııasy aýdandyq bóliminde qa­byl­­daýlar ótkizedi.

– Jýyrda Pıateryjsk aýyly­­nan A.Snegýr degen azamat ke­lip, joǵalyp ketken aýylsharýa­shy­lyq tehnıkalary jaıynda habar­dar etti. Osy oqıǵa boıyn­sha aryz qabyldandy. Qazir izdes­ti­rý júrgizilýde. Qabyldaý kúni­niń jergilikti halyqqa tıim­di­ligi – árqashan esik ashyq. Tur­ǵyn­­dar seniminen shyǵý – úlken ja­ýap­kershilik, – deıdi Nurhan Alqambekuly.

Sonymen birge aýdan ortaly­ǵyn­daǵy №1 mektepte aýdandyq polısııa bóliminiń basshylyǵynyń, oblystyq departamenttiń Kadr saıasaty basqarmasy ókilderiniń qatysýymen, Ishki ister mınıstrligi Qaraǵandy akademııasyna oqýǵa túsýge shaqyrý boıynsha is-shara ótti.

Kezdesý barysynda akademııaǵa qabyldaý tártibi, mamandyqtar boıynsha daıarlaý, medısınalyq komıssııadan ótý, dene shynyqtyrý daıarlyǵy boıynsha normatıvterdi tapsyrý jónindegi aqparattar berilgen.

 Bul kúnderi, ıaǵnı osy jyldyń 15 qyrkúıek pen 10 jeltoqsan aralyǵyna josparlanǵan Jelezın aýdany aýmaǵynda «Ýchaske» je­del-profılaktıkalyq sharasy ótýde. Jedel-profılaktıkalyq shara barysynda polısııa qyzmetker­le­ri jańadan kóship kelgen tur­ǵyn­darmen tanysyp, jergilikti tur­ǵyn­darǵa zań júıesindegi ózgerister jaıyndaǵy býkletter men eskertpeler taratýda.

Sol sııaqty «Jol boıyndaǵy jolaýshylar avtobýsy», «Qaýipsiz mektep avtobýsy» sharalary da jalǵasýda.

Al Nurhan Alqambekulynyń osyndaı tynymsyz qyzmette júrgende otbasyna súıikti jary – Anar Qylyshbaıqyzy qaraıdy. Shańyraǵynda úsh bala ósirip otyr.

Uldary Aıbek Alqambek áke jolyn qýyp, quqyq qorǵaý salasyn tań­dady. Úıde meıirimdi, jumysta adal ákeniń tárbıesimen ósti. Almatydaǵy Ishki ister mınıstr­li­gi­niń akademııasyn bitirdi. Ol bul kúnderi polısııa aǵa leıtenanty. О́ńirdegi Ertis aýdanynda qyzmet etip júr. Qylmystyq isterdi jedel izdestirý bóliminiń ýákili.

– Qazir Ishki ister oryndaryna, jergilikti polısııa bólimderine jas mamandar óte qajet. Polısııa jaıly ártúrli pikirler aıtylady. Biraq, quqyq qorǵaý salasynyń kúndiz-túni halyqqa arnaǵan qyz­me­ti – bul jańsaq pikirlerdi teriske shyǵara alady. Biz jas polıseılerge senim artamyz. Olar da biz sekildi qyzmet etip, joǵary bilim alyp, el tynyshtyǵyn saqtaý úshin jastardy quqyq qorǵaý salasynda jumys isteýge shaqyramyz, – deıdi polısııa podpolkovnıgi N.Qulmaǵanbetov.

 

Pavlodar oblysy

 

Sońǵy jańalyqtar

Qazaqstan OPEK+ jańa sheshimin qoldady

Qazaqstan • Búgin, 11:32

Qulqynyn kóbirek oılaǵan jan qapy qaldy

Aımaqtar • Búgin, 09:30

Qyrshyn ketken sańlaq

Sport • Keshe

Uqsas jańalyqtar