100 • 30 Qazan, 2019

Bas basylymnyń aıtary kóp

49 retkórsetildi

El gazeti – «Egemenniń» júzjyldyq mereıtoıy el ishinde óz sán-saltanatymen, mazmun-maǵynasymen atalyp ótilýde. Oblystyq ákimdiktiń qoldaýymen arnaıy keste jasalyp, keńinen qamtylǵan.

 

«Ushqynnan» ushqyn shashqan, keıin jalyndy sózderi jalyn atqan, ataýy áldeneshe ret ózgergenimen, el sózin sóıleýden, jaqsylyqqa jarshy, ıgilikke uıytqy bolýdan jańylmaı kele jatqan basylymdy súıip oqıtyndar óte kóp. О́zderiniń súıikti gazetteriniń mereıtoıyn da mereılene atap ótýde.

– Aǵa basylymdy qyryq jylǵa jýyq jan serigim etip kele jatyrmyn, deıdi Jaqsy aýdanynyń turǵyny Alpys Baıshaǵyrov aqsaqal,– syrlasym da, muńdasym da sol. Ata gazettiń aıtary az emes. О́zińe ne kerek bolsa, sonyń bárin tabasyń. Elimizdiń ótken tarıhy týraly Alashtyń ardaqty azamattarynyń keshegi ótkeni bar, búgingisi bar, bári jazylýda. El qamyn jegen, kóptiń jaıyn oılaǵan kósheli sóz aıtatyn da osy basylym. Men ózime oı salǵan, kóńilimnen shyqqan materıaldardy jınap qoıamyn. Qazir birneshe papka boldy. Aqsaqaldar el tarıhyn aıtqan kezde óz pikirimdi osy gazetke shyqqan derektermen tolyqtyryp otyramyn. Talas týa qalsa, dálelim de osy gazette jazylǵan materıaldardyń ishinde.

Shýche qalasynda el gazetiniń toıy taǵylymdy atalyp ótti. Gazet tarıhyn qamtıtyn «Egemen tarıhy – el tarıhy» taqyrybynda kórme qoıylypty. Onda gazet redaksııasynda qyzmet etken qa­lam­gerlerdiń jınaqtary da bar. Aldymen el gazeti týraly beınefılm kórsetildi. Oqyrmandar gazet týraly mol maǵlumat alǵannan keıin osy basylymda 25 jyl qyzmet etken qarymdy jýrnalıst Baqbergen Amalbek gazet tarıhy, onda Alashtyń jaqsysy men jaısańy qyzmet etkeni týraly keńinen taratyp aıtyp berdi. Oqyrman kóńilinde qalǵan qadaý-qadaý oıly materıaldar da tilge tıek etildi. El eńsesin tikteý, táýelsizdigimizdi baıandy etý jolyndaǵy basylymnyń qaıratkerlik qyzmeti qaǵys qalǵan joq. Gazettiń Aqmola oblysyndaǵy menshikti tilshisi retinde biz de basylymnyń búgingi tynysy, el ıgiligine sińirip jatqan qyzmeti týraly eksheı aıtyp berdik. Oqyrmandar da oıly gazettiń ońdy sharýasyna joǵary baǵa berdi.

Dál osyndaı kezdesý Birjan sal aýdanynda da uıymdastyryldy. Aýdan ákimdiginiń májilis zalynda ótken kezdesýdi aýdan ákimi Ermek Nuǵymanov ashyp, el gazeti týraly tereńinen syr tolǵap, aǵynan jaryldy.

– Aýdannyń burynǵy Eńbek­shil­der ataýynan arylyp, Birjan sal atynyń berilýine de «Egemen Qazaqstan» gazetiniń yqpaly zor boldy, dedi aýdan ákimi. Eger oqysańyzdar, basylymnyń bet­te­rinen Alash jurtynyń ótken tarıhyn, búgingi beınesin anyq ańǵarar edińiz. Gazet óz aldyna bir mektep, ómir mektebi. Máń­gi­lik eldiń jasampaz beınesin qa­lyp­tastyrý, sol bıikke qalaı jetýge bolatyndyǵyn qolmen qoıǵandaı etip kórsetip jatyr. El ishindegi túıtkildi de jasyrmaı aıtyp, odan shyǵar joldy da kórsetýde. Birlikti úndep, berekeni nusqaýda. Yntymaqtyń yrys ákeletindigin aıtyp jalpaq jurtqa jar salýda. Sondyqtan aldaǵy ýaqytta «Egemen Qazaqstan» ga­zeti bosaǵasynan attap, tórine ozbaı­tyndar bolsa, jazdyryp alýlaryńyz kerek.

Eńsesi bıik, mazmuny ǵajap, maǵynasy adam aıtqysyz el ga­ze­tiniń tól merekesi qasıetti Kókshe óńirinde toılanyp jatyr. Dál osyndaı kezdesýler oblystyń barlyq aýdandarynda ótkizilmek.

 

Aqmola oblysy

 

Sońǵy jańalyqtar

Dárigerlerge sertıfıkattar tabystaldy

Aımaqtar • Búgin, 09:52

Qaraǵandyda resýrstyq ortalyq ashyldy

Aımaqtar • Búgin, 09:45

Túrkistanda isker áıelder forýmy ótti

Aımaqtar • Búgin, 09:20

Ǵylym men bıznesti ushtastyrǵan jıyn

Ekonomıka • Búgin, 09:05

Qonaev týrnıri máresine jetti

Kúres • Búgin, 07:49

Aqynǵa arnalǵan kún

Rýhanııat • Búgin, 07:46

Qalany damytý qujaty daıyn

Aımaqtar • Búgin, 07:43

Innovasııa men shyǵarmashylyq úılesimi

Rýhanııat • Búgin, 07:31

Baspanamen qamtıtyn basty qujat

Baǵdarlamalar • Búgin, 07:23

Bolmysy bútin Baǵaev

Rýhanııat • Búgin, 07:19

Bıznes jáne áleýmettik jaýapkershilik

Ekonomıka • Búgin, 07:13

Er Edige jáne eldik múdde

Rýhanııat • Búgin, 07:11

Temekiniń taýqymeti

Medısına • Búgin, 07:05

Aqtóbe ınvestısııa tartýdan alda tur

Ekonomıka • Búgin, 07:04

Arzan jolaqy Almatyǵa aýyr tıip tur

Ekonomıka • Búgin, 07:01

Jetimniń basynan sıpa, júregiń jumsarady

Rýhanııat • Búgin, 06:58

Taýar aınalymyna tosqaýyl bolmaýy tıis

Ekonomıka • Búgin, 06:54

Eń qysqa áńgime. Oljas Sándibek

Eń qysqa áńgime • Keshe

Eń qysqa áńgime. Talǵat Eshenuly

Eń qysqa áńgime • Keshe

Eń qysqa áńgime. Nurdáýlet Qabasov

Eń qysqa áńgime • Keshe

Eń qysqa áńgime. Ǵanıbet Ǵalymbekuly

Eń qysqa áńgime • Keshe

Eń qysqa áńgime. Ermek Begzada

Eń qysqa áńgime • Keshe

Eń qysqa áńgime. Nurnazar Túrikben

Eń qysqa áńgime • Keshe

Uqsas jańalyqtar