Keıde tańdanysyn jasyra almaǵan kúıi basyn ántek shaıqap qoıatyny bar. Munyń ózi odan ári shyǵarmashylyq shabytpen izdene túsýine jol ashyp, endi shampýn jasaýǵa da kóshti.
Búginde ótimdi ónimge aınalyp otyrǵan sabynnyń jasalý tehnologııasy qarapaıym. Negizinen dárilik ósimdikterdi paıdalanady. Qajetti gúlder men shópterdi ózi ósiredi. Osy sebepti ekologııalyq jaǵynan taza ári baǵasy da qoljetimdi. О́tinishter kóbine elordalyq men reseılik tutynýshylar tarapynan kóptep túsip jatady.
–Buryndary ájelerimiz saqar qaınatyp, qara sabyn daıyndaýshy edi ǵoı. Ata-babamyzdyń osy kóne dástúrin zaman aǵymyna qaraı tehnologııalyq jaǵynan jańǵyrtyp, arnaıy resept boıynsha túzemin. Aralastyratyn qospalarǵa túımedaq, qaraǵaı ıneleri, shaıyr, sálben qosylyp, hosh ıisi muryn jaratyndaı bolýy kerek. Belgili mólsherde qaınatylǵannan keıin daıyn shampýn arnaıy ydystarǵa quıyp alynady,– deıdi «Shákirova» JK jetekshisi Gúlshat Shákirova.
Ol qazir sýsabynnyń erlerge jáne áıelderge arnalǵan túrlerin ázirleýge kirisken. Aldaǵy maqsaty – tutynýshylarǵa emdik sabyn usyný. Ony daıyndaý úrdisi kúrdelileý ári kóp ýaqytty alatynyna qaramastan kózdegen maqsatyna jetpeı tynbaıtyn eńbekqor kásipker kádege jaratylatyn ónimderdi suryptap qoıypty. Bettegi bezeý, denedegi bórtpe, qyshyma, allergııalyq keselderge paıdasy zor kórinedi.
Gúlshat bul salamen úsh jyldan beri aınalysyp kele jatsa da, jetken jetistikteri qýantarlyq.
Soltústik Qazaqstan oblysy
