Munda jalpy 100-ge jýyq týyndy qoıylǵan. Onyń ishinde tek beıneleý óneri ǵana emes, músinder jáne altynmen aptalyp, kúmispen kúptelgen at-ábzelderi usynylǵan.
Budan bólek, sharaǵa tarıh ǵylymdarynyń doktory, professor Ahmet Toqtabaı jáne aqyn Maraltaı Raıymbekov arnaıy shaqyrylǵan. Olar qazaq erekshe qadir tutqan janýardyń shyǵý tegi men asyl qasıetteri týraly aıtyp berdi. T.Júrgenov atyndaǵy Qazaq Ulttyq óner akademııasynyń «Keskindeme, músin jáne dızaın» fakýltetiniń dekany Baýyrjan Baıdilda jýrnalıstermen kezedsken kezde álemde tuńǵysh ret jylqyny qolǵa úıretip, jylqy mádenıetin tartý etken halyq biz ekenimizdi eske túsirip ótti. Osydan 7 myń jyl buryn bizdiń arǵy ata-babalarymyz osy qylquıryqty mynaý jylqy janýaryn tuńǵysh ret qolǵa úıretip, miniske paıdalanyp, etin jep, sútin ishken halyq. «Sondyqtan biz myna Eýrazııanyń apaıtós dalalaryn sonaý Orhon, Kerýlen ózenderinen bastap, anaý Balkanǵa deıingi alyp terrıtorııany barlyǵyn osy jylqynyń kúshimen alǵanbyz», – dedi tarıh ǵylymdarynyń doktory, professor Ahmet Toqtabaı.
«Uly dalanyń jeti qyryna» saı osy taqyrypty mindet dep sanap osy ustazdarymyz, shákirttermen, stýdenttermen birigip, osy kórmeni ashyp otyrmyz. Bul kórmeniń basty maqsaty erteń bizdiń shákirtterimiz úlken keskindemelik shyǵarmalaryn, músindik shyǵarmalaryn atpen baılanystyryp salǵan kezde bilýi kerek», – ol.
