Aımaqtar • 30 Qazan, 2019

Almatyda munaı servıs máselesin talqylady

44 retkórsetildi

Qazaqstandaǵy munaı servıs salasyndaǵy kompanııalaryn qarjylandyrý máseleleri keshe Almatyda dóńgelek ústel  basynda talqylandy.   

Is-sharany «Kazservice» qazaqstandyq munaı servıs salasyndaǵy kompanııalar odaǵy uıymdastyrdy. Odaq tóraǵasy Rashıd Jaqsylyqov munaı-gaz salasynda qazaqstandyq úlesti arttyrý baǵytynda ǵana emes, basqarý menedjmentine qazaq mamandaryn tartý máselesi de kesheýildep jatqanyn aıtty.  Rashıd Jaqsylyqovtyń túsindirinshe, bul rette sheteldik kompanııalardy kinálaýdyń reti joq eken. Olardyń talabyna sáıkes  mamandardy daıyndaı almaı otyrǵan ózimiz. «Qazir sheteldik kompanııalar mamandardy óz qarjysymen batys elderiniń joǵary oqý oryndarynda daıyndap júr. Jaqynda sondaı mamandardyń biri sheteldik munaı kompanııalarynyń birinde jobalaý baǵytyndaǵy menedjer laýazymyna ósti. Bul faktor bizdiń qazaqstandyq joǵary oqý oryndaryn oılandyrýy tıis», deıdi Rashıd Jaqsylyqov.

Dóńgelek ústelge Energetıka mınıstrliginiń, Ulttyq Banktiń, damý ınstıtýttarynyń ókilderi, sondaı-aq jetekshi bankterdiń, halyqaralyq ınvestısııalyq kompanııalardyń, Qazaqstannyń munaı-gaz operatorlary men munaı servıstik kompanııalarynyń basshylary qatysty.

Búgingi tańda North Caspian Operating Company N.V. (NKOK), Teńizshevroıl (TShO) jáne Qarashyǵanaq Petrolıým Opereıtıng B. V. (KPO) tárizdi iri munaı-gaz operatorlary jalpy somasy 45 mlrd AQSh dollaryn quraıtyn ınvestısııalyq jobalardy iske asyrýda. Bul operatorlar naryqtyń iri tapsyrys berýshileri bolyp tabylady (barlyq satyp alýdyń 75%), al olardyń satyp alý rásimderi jabyq rejımde ótedi. Osy kompanııalar boıynsha munaı servıstik qyzmetterge qazaqstandyq bıznesti tartý úlesi 50% -dan az.

Munaı servısi qyzmetteriniń jyl saıynǵy aınalymy búgingi kúni keminde 7 mlrd AQSh dollaryn quraıdy, mundaǵy otandyq bıznestiń úlesi orta eseppen alǵanda 50-60%. Búginde munaı servıstik kompanııalar jergilikti bıznesti nesıelendirý kezinde EDB tarapynan joǵary talaptar men kepildikterdiń qoıylýy, bankterdiń ótimdiliginiń jetispeýshiligi jáne otandyq bıznestiń ótinishterin uzaq qarastyrý tárizdi problemalarmen jıi kezesedi.

Sondaı-aq EDB basshylary kredıt berý, qarjylyq kepildikter alý boıynsha quraldardy usyndy, ınvestısııalyq kompanııalar qosymsha qarajat tartý joldary týraly áńgimeledi, munaı servıstik kompanııalary iri munaı kompanııalarynyń tenderlerine qatysý barysynda jıi tap bolatyn qarjylyq qamtamasyz etý boıynsha problemalary men usynystaryn jınalǵandardyń nazaryna usyndy.

 

ALMATY

Sońǵy jańalyqtar

Sazgerdiń «Máńgi kóktemi»

Tanym • Búgin, 06:58

Er qazaq edi Eraǵa

Tanym • Búgin, 06:56

Elimizdegi eń alyp kitap

Aımaqtar • Búgin, 06:55

Umyt qalǵandar kimnen qorqady?

Tanym • Búgin, 06:53

Taǵaıyndaý

Prezıdent • Búgin, 06:50

Abaıdyń ǵylymı dúnıetanymy

Abaı • Búgin, 06:29

О́zara yntymaqtastyqtyń jańa belesi

Saıasat • Búgin, 06:26

Jurt tilegi nazarǵa alyndy

Aımaqtar • Búgin, 06:24

Sot isin júrgizý sıfrlandyrylady

Parlament • Búgin, 06:13

Basty aqparat (26.02.2020)

Vıdeo • Keshe

Uqsas jańalyqtar