Memleket basshysy halyq jazýshysy Ábdijámil Nurpeıisovti qabyldap, «Qazaqstannyń Eńbek Eri» ataǵynyń «Altyn juldyz» aıryqsha erekshelik belgisin tabystady.
Qazaqstan Prezıdenti kórnekti jazýshynyń ulttyq ádebıetimizdiń álemdik deńgeıge kóterilýine qosqan eleýli úlesine toqtalyp, qazaq ádebıetiniń abyzyn 95 jyldyq mereıtoıy qarsańynda elimizdegi joǵary nagradamen marapattaǵanyn atap ótti.
– Siz halqymyzǵa kereksiz. Sondyqtan sizge zor densaýlyq, uzaq ǵumyr, shyǵarmashylyq tabys, baq-bereke tileımin, – dedi Qasym-Jomart Toqaev.
Ábdijámil Nurpeıisov Memleket basshysyna alǵys aıtyp, Táýelsiz Qazaqstandy órkendetý jolyndaǵy jumysyna tabys tiledi.
