Qoǵam • 30 Qazan, 2019

Qazaqstannyń úzdik áleýmettik jobalary anyqtaldy

112 retkórsetildi

Nur-Sultan qalasynda ótken arnaıy komıssııa otyrysynda «Qazaqstannyń úzdik áleýmettik jobalary» respýblıkalyq konkýrsynyń fınalyna shyqqan 14 joba anyqtaldy. Bul týraly Eńbek jáne halyqty áleýmettik qorǵaý mınstrliginiń baspasóz qyzmeti habarlady. 

Bıyl konkýrsqa qatysýǵa 224 ótinim kelip tústi, onyń ishinde óńirlik kezeń barysynda 57 joba tańdap alyndy. Alpys shaqty jobany qarap shyqqan komıssııa músheleri «Qazaqstannyń úzdik áleýmettik jobalary» respýblıkalyq kórmesiniń qatysýshylaryn anyqtady. Olardyń ishinde Almaty qalasynan 4 joba, Jambyl oblysynan 2 joba, Shymkent qalasy, Pavlodar, Qostanaı, Almaty, Aqtóbe, Túrkistan, Batys Qazaqstan jáne Soltústik Qazaqstan oblystarynan 1 jobadan bar.

Komıssııa quramyna Eńbek jáne halyqty áleýmettik qorǵaý mınıstrliginiń ókilderi, Parlament depýtattary, kásipkerler, ÚEU jáne BAQ basshylary, sondaı-aq áleýmettik sala ardagerleri kirdi. Bıylǵy jyly jobalar «Áleýmettik problemalardy sheshýdi aqparattyq ilgeriletý», «Áleýmettik saladaǵy volonterlik qozǵalysty damytý», «Teń múmkindikterdi qamtamasyz etý», «Múgedektigi bar adamdardy qosa alǵanda, azamattardy jumyspen qamtýǵa kómek kórsetý» jáne «О́mirlik qıyn jaǵdaılardy jeńýge kómek kórsetý» baǵyttary boıynsha baǵalandy.

«Komıssııa músheleri muqtaj azamattarǵa volonterlik kómek kórsetýge, múgedektigi bar adamdardy jańa daǵdylarǵa úıretýge jáne múgedek balalardyń ata-analaryna kútim jasaýǵa baǵyttalǵan jobalardy erekshe atap ótti. Sonymen qatar osy jyly óte qyzyqty ekologııalyq joba usynyldy. Iriktelgen 14 jobanyń árqaısysyn búkil el boıynsha iske asyrýǵa engizýge bolady dep senimmen aıta alamyz. Jyl saıyn bul konkýrs úlken tanymaldyqqa ıe bolyp, qatysýshylardyń sany ósip keledi. Munda múgedektigi bar adamdarmen jumys isteıtin ÚEU úlken ról atqarady. Eń bastysy múgedektigi bar adamdardyń ózderi belsendi ómir súrip qana qoımaı, qıyn ómirlik jaǵdaıǵa tap bolǵan basqa adamdarǵa kómektesý úshin jumys isteıdi», – dedi komıssııa tóraǵasynyń orynbasary, Prezıdenttiń shtattan tys keńesshisi, «Eńbek resýrstaryn damytý ortalyǵy» AQ-nyń prezıdenti Tamara Dúısenova.

Konkýrs jeńimpazdaryn marapattaý rásimi aǵymdaǵy jylǵy 1 qarashada Nur-Sultan qalasyndaǵy Táýelsizdik saraıynda, «Qazaqstannyń úzdik áleýmettik jobalary» respýblıkalyq kórmesinen keıin ótedi.

Konkýrsqa qatysýǵa 2013 jyldan 2019 jylǵa deıin 1 192 ótinim kelip túskenin, onyń ishinde 228 áleýmettik joba óńirlik deńgeıde jáne 19 respýblıkalyq deńgeıde jeńimpaz dep tanylǵanyn atap ótken jón.

Sońǵy jańalyqtar

Atyraýlyqtar taǵy da úzdikter qatarynda

Aımaqtar • Búgin, 19:19

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Uqsas jańalyqtar