Qordyń dırektory Gúlbarshyn Qarabalınanyń aıtýynsha, joba Aqtaýda erekshe qajettilikteri bar turǵyndarǵa, atap aıtqanda, múgedekter arbalarynda júrgenderge qol jetimdi jaǵdaı jasaýǵa kómektesýge baǵyttalǵan.
Jalpy Aqtaý qalasynda 200 den astam arbamen júretin turǵyndar turady, sonymen qatar, qala kóshelerinde balalar arbasymen júretin ata-analar qanshama. Alaıda qalanyń nysandarynyń pandýstary men teppeleriniń tolyǵymen standarttarǵa saı bolmaýy olardyń kúndelikti ómirin tek úıde ótkizýine ákelip soqtyryp otyr.
-Múgedekter, balaly analar kún saıyn pandýstarǵa tap bolady. Nysandarǵa qol jetimdiliktiń jetispeýshiligi máselesi múgedek adamdardyń qoǵamǵa tolyqtaı qatysýyna múmkindik bermeıdi. Biz olardy kórmeımiz, olar búkil ómirlerin tórt qabyrǵada ótkizedi. Arbamen dúken jáne dárihanalarǵa kire almaıtyn analar úshin ońaı emes, óıtkeni olardyń kópshiliginde yńǵaıly pandýstar joq. Bizdiń jobany júzege asyrýda biz osy máselege qoǵamnyń jáne oblys ortalyǵynyń basshylyǵynyń nazaryn aýdarǵymyz keledi, deıdi Gúlbarshyn Qarabalına.
Qordyń dırektory aıtqandaı, joba komandasy «Men-barmyn!» atty áleýmettik vıderolık jasaqtap, bılbord ilip, yńǵaısyz pandýstar nemese olardyń bolmaýy máselesine qoǵamnyń nazaryn aýdarý úshin basqa da sharalar uıymdastyrady.
Joba aıasynda qor «Men-barmyn!» baıqaý jarııalady, oǵan arnaıy múgedekter arbasynda qozǵalatyn adamdar «jaramsyz» pandýs nemese múldem pandýs joq jerlerde sýretke túsip, áleýmettik jelilerde jarııalaıdy.
-Joba baıqaý nátıjesinde anyqtalǵan 10 nysannyń pandýstaryn qaıta qurýǵa nemese ornatýǵa kómektesedi. Al 5 pandýsty nysandar ıelerinen standarttarǵa saı kelmeıtin pandýstardy qaıta qurýyn qoǵam talap etetin bolady. 25 múgedekturǵyn úshin «О́rkenıetti keleshek» qoǵamdyq qorynyń «Perishte» ortalyǵynda ońaltý kýrstary - ıogoterapııa, emdik dene shynyqtyrý, mı bıoakkýstıkalyq túzetý apparatyndaǵy kýrstar, aǵylshyn tili, qolóner sabaqtary júrgiziledi. Baıqaýdyń barlyq qatysýshylary syılyqtar men júldelerge ıe bolady, olardyń ishinde taýarlardy satyp alý sertıfıkattary, sonyń ishinde balalar, medısınalyq saqtandyrýlary, sondaı-aq «Perishte» ortalyǵynda ońaltý sertıfıkattary beriledi. Qoǵamdaǵy muqtaj jandarǵa qol ushyn sozyp, birge qoljetimdi orta quraıyq», - dep shaqyrady joba komandasy.
Baıqaý aǵymdaǵy jyldyń 30 qarashasynda aıaqtalady.
Mańǵystaý oblysy
