30 Qazan, 2019

Taldyqorǵandyq 700 jetkinshek tegin fýtbol mektebine qabyldanady

9 retkórsetildi

Taldyqorǵan qalasynyń 27 mektebinde fýtbol oıynyna baýlıtyn tegin úıirmeler ashyldy, olarǵa áleýmettik jaǵynan az qamtylǵan otbasylardyń balalary tartylady.

Taldyqorǵanda balalar arasynda buqaralyq sportty damytýdyń biregeı áleýmettik jobasy qolǵa alyndy. Fýtbol mektebi jobasy Olimp Kazakhstan býkmekerlik keńsesiniń tikeleı qoldaýymen júzege asyrylýda. Kásibı mamandar ázirlegen arnaıy baǵdarlama boıynsha kóp balaly jáne turmysy tómen otbasylardan shyqqan 700 bala orta mektepterden ashylǵan fýtbol úıirmelerine aqysyz negizde qatysady. Olarǵa qajetti qural-jabdyqtar men sporttyq kerek-jaraqtar satyp alyndy. Qazirgi tańda dene shynyqtyrý pánderi muǵalimderiniń daıyndyǵy júrip jatyr. Eger pılottyq joba sátti júzege asatyn bolsa, býkmekerlik keńse ony elimizdiń basqa aımaqtaryna da engizýdi josparlap otyr.

Jobanyń basty maqsaty – az qamtamasyz etilgen otbasylardyń balalaryna ózderiniń armandaryn júzege asyrýǵa kómektesý jáne fýtbol oınaýǵa barlyq jaǵdaıdy jasaý. «Rýhanı jangyrý» baǵdarlamasyn júzege asyrý aıasynda ázirlengen jobanyń alǵashqy nátıjeleri kóńil qýantady.

Aıta keterligi, sportsúıer balalar úıirmelerde top-topqa bólinip jattyǵady jáne árqaısysynda 12 adamnan turatyn óz fýtbol komandasy bolady. Mamandar toptaǵy balalar sanynyń azdyǵy jattyqtyrýshyǵa oıynshylardyń jeke qasıetterine kóp kóńil bólýge, komandalyq rýhty oıatýǵa múmkindik beretinin aıtady.

«Fýtbol – barlyq áleýmettik salalarǵa qol jetimdi sport túrleriniń biri. Sondyqtan da kóbine turmysy tómen otbasylardan shyqqan jetkinshekter fýtbolda úlken jetistikterge jetip jatady. Buǵan álemdegi eń myqty fýtbol juldyzdaryn mysalǵa keltire alamyn. Máselen, Ronaldý, Rıvaldo, Sýares, Zıdan, Salah jáne t.b. Mysyrlyq fýtbolshynyń ómir tarıhynan bir iri brend uıymdastyrǵan áleýmettik jobalardyń birinde jarqyraı kóringeni týraly derekti bárińiz bilesizder. Muhammed Salah 14 jasynda Egıpet aımaǵyndaǵy jarystardyń birinde keremet nátıje kórsetken, sodan beri ol barlyq fýtbol rekordyn jańartýda. Biz taldyqorǵandyq balalar arasynda da álemdik deńgeıdegi fýtbolshylarmen deńgeıles «Zıdandar» men «Salahtar» bar ekenine senimdimiz», - deıdi «Olımp» býkmekerlik keńsesiniń Ásel Álimjanova.

Bıylǵy birinshi jartyjyldyqta kompanııa qaıyrymdylyq jáne áleýmettik bastamalarǵa 37 mıllıon teńgeden astam qarajat bólgenin aıta ketý kerek. «Olımp» BK osy ýaqytqa deıin balalardyń shyǵarmashylyǵyn, qabiletin damytýǵa baǵyttalǵan áleýmettik jobalarǵa barynsha qoldaý kórsetip, úles qosty.

«Dene shynyqtyrý pániniń muǵalimderi «Jetisý» fýtbol ortalyǵynyń konsýltatıvtik qoldaýymen semınar sabaqtaryna qatysady. Biz olarǵa arnaıy baǵdarlama usynamyz, olar oqýyn jalǵastyrýda. Iаǵnı, jattyqtyrýshylar aptalyq jospar-konspekt alyp, sol boıynsha apta boıy jumys isteıdi. Búgin biz mektepterge barlyq sporttyq qural-jabdyqtar men 700 fýtbol oıynynyń formalaryn tarattyq. Joba tek sporttyq qural-jabdyqtar taratýmen jáne jattyǵýlardy uıymdastyrýmen shektelmeıdi. Fýtboldan týrnırler ótkizilip, balalardyń túrli ekskýrsııalarǵa, sonyń ishinde halyqaralyq jarystarǵa qatysýy josparlanǵan. Eń daryndy jasóspirimderdi Eýropanyń jetekshi fýtbol klýbtary – «Chelsı», «Barselona», «Lıssabon Sportıng» kórýge jiberýdi de uıymdastyratyn bolamyz», - dep tolyqtyrdy joba kýratory Birjan Baıǵalıev.

Taldyqorǵan qalasy ákiminiń orynbasary Sáýle Arzanbekovanyń pikirinshe, búgingi balalar óte áljýaz, úıden shyqpaýǵa ábden úırengen, gadjetterge alańdap, vırtýaldy álemde ómir súrip jatyr, olardy ekrandardan alastap, kóshege shyǵarý qıyn. «Qazirgi jetkinshekterde bir-birine degen janashyrlyq kem, tipti bir-birimen tanyspaıdy da. Sondyqtan biz oblysta sportty belsendi damytý baǵytynda jumys istep jatyrmyz. Bul bastama sportpen belsendi aınalysatyn 700 balany qamtydy. Biz «Olımp» BK men voleıbol, basketbol jáne basqa da sport túrleri boıynsha odan ári yntymaqtastyq ornatamyz dep úmittenemiz», - deıdi ol.

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar