Tehnologııa • 31 Qazan, 2019

Úshinshi megapolısti úzdik tehnologııa túletedi

10 retkórsetildi

«Sıfrly Qazaqstan» memlekettik baǵdarlamasy aıasynda «Aqyldy qala» jobasy qabyldanǵany belgili. Osy «Aqyldy qala» jobasynyń 5 negizgi baǵyty boıynsha Shymkentte birqatar jumys atqarylýda.

Áýeli adam kapıtalynyń áleýetin arttyrý maqsatynda shaharda eki iri joba qolǵa alyndy. Densaýlyq saqtaý salasyna basymdyq bergen 2 jobanyń alǵashqysy Jedel medısınalyq qyz­me­tin jańǵyrtý. Osy joba boıynsha jedel járdem mashınalary zamanaýı jab­dyqtarmen jasaqtalyp, avtomattandy­rý jumystary júrgizilýde. Biryńǵaı Sall ortalyq qurylady. Jedel qyzmet kór­setý ortalyqtary qansha qońyraý shalý­shyǵa qyzmet kórsetti, mashınalar qansha ýaqyt­ta jetti, qaı jerde keshikti degen syn­dy barlyq jumys baqylaýda bolady.

Qalada 36 medısına mekemesi bar. Búgingi tańda olardy kompıýterlik tehnıkamen jaraqtandyrý – 63 paıyzdy, ınternet júıesine qosylǵan uıymdar men jergilikti aqparattyq júıelermen qamtý deńgeıi – 100 paıyzdy qurap otyr. Jeke-jeke elektrondy túrde esepke alý, esep berý aqparatyn júrgizýge kóshken uıymdardyń úlesi 3 paıyzdy, halyqty elektrondy tólqujatpen qamtý deńgeıi 83 paıyzdy, elektrondy resept úlesi 55 paıyzdy kórsetti. Budan bólek halyq arasynda kóp suranysqa ıe 3 júıeni qoldanysqa engizdik. Ol: dárigerdi úıge shaqyrý, tirkelý, dárigerdiń qabyldaýyna jazylý. Munyń barlyǵy elektrondy túrde júzege asady. Uıaly qosymsha arqyly halyqty skrınıngtik tekserýge shaqyryp otyramyz. 20-60 jas aralyǵyndaǵy, 5 jasqa deıingi balalary bar ata-analarǵa jáne júkti áıelderge arnalǵan arnaıy keńes beretin uıaly qosymshalar iske qosyldy. Nátıjesinde, qol jetkizgen kórsetkishter kóńil qýan­ta­dy. Barlyq aýrýhana qaǵazsyz júıege kóshti. Smart tehnologııalardy qoldaný arqyly skrınıngtik tekserý jasar aldynda onkologııalyq aýrýlardyń aldyn alý kórsetkishi 50 paıyzǵa jetip otyr», deıdi qalalyq sıfrlandyrý basqarmasynyń basshysy Aınur Iýsýpova.

Bilim salasyn sıfrlandyrý boıynsha Shymkent qalasy kósh bastap keledi. Júıe úsh baǵytta júrgizilýde. Tarqatyp aıtar bolsaq, bul mektepke deıingi, orta bilim berý jáne orta kásiptik bilim berý salasy. Mektepke deıingi sıfrlandyrý­da balalardy balabaqshalarǵa kezekke turǵyzý, joldama berý sharalary atqa­rylýda. Buryn balanyń baqshaǵa bar­ǵa­ny týraly aqparat tek qaǵaz jú­zin­de júrse, qazir barlyq derek elektrondy bazada bar.

Mektepterge elektrondy jýrnal jú­­ıe­si en­gizildi. Muǵalim men ata-ana ara­­syn ja­qyndastyrý maqsatynda uıaly teh­nologııalar qoldanylady. Bala sa­baq­­qa keshik­ken, kelmegen jaǵdaıda ata-anasyna habarlama jiberilip, sa­baq­tan qalý fakti­leri azaıdy. Taǵy osy baǵyt bo­ıynsha birinshi synypqa qa­byl­daý, basqa mektepke aýysý sekildi jumystardy jeńildetedi.

Búginde Shymkentte jol-kólik oqıǵa­l­ary men jol erejelerin óreskel buzý faktileri azaıǵan. Buǵan tikeleı «Ser­gek» ıntellektýaldy beınebaqylaý júıe­siniń ornatylýy sebep boldy desek qate­lespeımiz. Alaıda, «Sergektiń» ornatylýyna, onyń qalypty jumys isteýine kedergi keltirgen turǵyndar da az emes.

«Jańa kameralar qo­sylmaı jatyp qırap qalǵan fakti de tir­kel­di. Jańa qondyrǵy zaýyt­tyq aqaýdan emes, buzaqylardyń qolymen buzylǵan. Aıta keterligi, «Sergek» jobasyna memleketten qarjy qaralmaǵan. 2018 jyly qala ákimi men «Kórkemtelekom» kompanııasy arasynda túzilgen memorandým arqyly joba júzege asty. Al Polısııa departamenti qaladaǵy jol apaty jıi bolatyn jerlerdi belgilep berdi», dedi A. Iýsýpova.

Basqarma basshysynyń aıtýynsha, úshin­shi megapolıstegi sıfrlandyrý ju­mystary joǵaryda aıtylǵan baǵyttarmen toqtap qalmaıdy. Qazir «Aqyldy» kóshe shamdaryn ornatý jobasy júzege asyp jatyr. Joba tolyq júzege asqan jaǵdaıda 60 paıyz elektr júıesi únemdelmek.

Qolǵa alyn­ǵan jaqsy is­­­tiń biri – «Meıirim» jo­­­­­­­­­­ba­­sy. Bul jo­ba boıynsha, ásirese naý­­qas­tanǵan adam­­darǵa kó­mek qo­lyn so­zý sharalary ja­salǵan. My­saly, qazir erik­­­tiler kó­­shelerde qolma-qol kómek qara­ja­tyn jı­naq­tap júr. Biz qansha qarjy jınalǵanyn, qaıda ketip jatqanyn bilmeımiz. Osyndaı keleńsizdikterdiń aldyn alý úshin «Meıirim» jobasy oılastyryldy. Bul jobaǵa kómekke qushtar naýqastar tirkeledi. «Meıirim» arqyly kimge qansha qarajat kerek ekendigin, qandaı aýrýǵa ushyraǵanyn bilip, qolyńyzdan kelgenshe kómek kórsetip, elektrondy túrde qarajat aýdaryp, ári qaraı ol qarajattyń qandaı emge jumsalyp jatqanyn qadaǵalap otyrýǵa bolady, – dedi ol.

A. Iýsýpova «Týrıstik portal» servısi týraly da aıtyp berdi. Portal jalpy týrıstik aqparatty 3 tilde usy­nyp, týrısterdiń onlaın tapsyrys berýi­ne, taksı shaqyrýyna yńǵaıly bolmaq. Atalǵan portalǵa qala kartasy men jol júrý kestesi engizilgen.

«Jaqynda ǵana qalada Bıznes sýper­mar­keti ashyldy. Bul jerde barlyq kásipkerge bir jerden qyzmet kórsetý, zańdy tulǵalarǵa qajetti lısenzııa berý, taǵy basqa da qyzmetter kórsetiledi. Arnaıy mamandandyrylǵan halyqqa qyzmet kórsetý ortalyqtary quryldy. Aldyn­da Dostyq eldi mekeninde ǵana qyzmet kórsetý ortalyǵy bolatyn. Endi bul ashyl­ǵan ortalyq kezek kútýdi 30-40 paıyzǵa jeńildetýde», dep túıindedi.

 

 ShYMKENT

 

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar