ECO Pack – bul qorshaǵan ortany qorǵaý máselesine qoǵamnyń nazaryn aýdartýǵa baǵyttalǵan ekologııalyq naýqan. Osy arqyly jas belsendiler turǵyndardyń ekologııalyq mádenıetin qalyptastyrýdy, qorshaǵan ortamen úılesimdi ómir súrýge daǵdylandyrýdy, sondaı-aq tabıǵı resýrstardy tıimdi paıdalanýǵa shaqyryp júr.
– Bıyl biz ECO Pack jobasyn alǵash ret uıymdastyryp otyrmyz. Ekologııalyq aksııany uıymdastyrýdaǵy maqsatymyz – jahandyq jylyný, qorshaǵan ortanyń lastanýy, qoqystardyń tabıǵatqa zııany syndy ekologııalyq máselelerge jurtshylyqtyń nazaryn burǵymyz keledi. Ekodorba planetamyzdyń ekologııasyn jaqsartýǵa kóp úles tıgizedi. Tabıǵı matadan jasalǵan dorbalar birneshe aıdyń ishinde ydyrap, topyraqty organıkamen baıytady. Osy syndy ekologııalyq naýqan elordamen qatar Qazaqstannyń barlyq óńirinde júzege asyp keledi, – deıdi «Jasyl el» eńbek jasaqtary respýblıkalyq shtabynyń jetekshisi Azamat Danııar.
Atalǵan sharanyń mańyzyn otandyq blogerler men estrada ánshileri arttyra tústi. О́ner juldyzdary halyqty qorshaǵan ortaǵa beıjaı qaramaýǵa shaqyryp, azamattyq ustanymdaryn bildirdi. Budan keıin aksııa konserttik baǵdarlamaǵa jalǵasty. Uıymdastyrýshylar túrli oıyn ótkizip, baǵaly syılyqtar taratty.
