Er azamattardyń ózderi tá­ýe­kel etip, bara bermeıtin qoǵam ty­nyshtyǵyn saqtaý, adam­dar­dyń qaýipsizdigin qamta­masyz etý jolynda talmaı qyzmet atqa­ryp, qazaq áıel­derine tán aqy­lyna kórki saı arýlardy kór­gende rıza­shy­ly­ǵyń­dy jasyra almaısyń. Nar júgin­deı úlken senim artylǵan jaýap­ker­shilik mindeti men ur­paq ósi­rý sekildi analyq paryzyna qylaý túsirmeı qatar alyp jú­rý ekiniń biriniń qolynan ke^­le bermesi anyq. Iyǵyna polkovnık pogonyn taqqan, jeti jyldan beri oblystyq polısııa departamentiniń shtab bastyǵy sekildi asa jaýapty laýazymdy minsiz atqaryp kele jatqan Sáýle Andaǵulova – tal boıyna meıirimdilik, qaı­rat­kerlik, izdenimpazdyq, bi­lim­dilik qasıetterdi to­ǵys­tyr­ǵan erekshe jan. Ol máýeli shańy­raqtaǵy eki ul, eki qyz­dyń tula­boıy tuńǵyshy bol­ǵan­dyq­tan ba, jastaıynan ata-ananyń qol­ǵa­natyna aınalyp, erte eseıdi. Ákesi Tynyshtyq Dúı­sekın sanaly ǵumyryn ishki ister salasyna arnady. Eńbek jolyn qatardaǵy tártip saq­shy­synan bastap, otyz jylǵa jýyq ystyq-sýyǵyn birdeı kórdi. О́mirden kórgen-túıgeni mol qarııa «adal bolyńdar, bireýdiń ala jibin attamańdar. Mańdaı termen tap­qan nannyń qadirin bilińder» degen kósheli minezinen aınyǵan emes. Áli kúnge deıin balalary men kelinderin, nemerelerin jaqsylyqqa, ımandylyqqa ún­dep, jaman daǵdylardan saqtan­dy­ryp otyrady.

Sáýle mektep bitirgennen ke­ıin áke jolyn jalǵastyrý týra­ly ishke búkken syry, túpki­lik­ti tańdaýy týraly eshkimge tis jarmady. Tergeýshi bolsam degen asqaq armanmen Reseı­diń Tom zań ınstıtýtyna qu­jat tapsyrdy. Alaıda, joly ońǵa­rylmaı elge oraldy. Týmy­sy­nan jigerli, maqsatshyl qyzdyń odan taýy shaǵylyp, taýany qaıtpady. Bir jyldaı aǵa pıoner vojatyı bolyp istep ári bilimin tolyqtyryp, Petropavl qalasyndaǵy pedınstıtýtqa tústi. Qostanaı oblysy, Naý­ryzym aýdandyq kámeletke tol­maǵandar isi jónindegi ınspek­sııa bóliminiń esigin ımene ashqa­ny áli kúngideı esinde. Onda­ǵylar jas mamandy kánigi kóz tanysyndaı qushaq jaıa qar­sy aldy. Tájirıbesizdigine, tipti basqa mamandyq ıesi eken­digine qaramastan ózine laıyq qyzmet usynylyp, ur­shyq­sha úıirip áketti. Odan keıingi ómir joly Qyzyljar óńirimen tyǵyz baılanysty. Tergeýshi, aǵa tergeýshi, bólim bastyǵy, basqarma bastyǵynyń orynbasary sekildi shyńdalý bas­pal­daqtarynan ótti. Mol tá­jirıbe jınaqtaǵany es­ke­rilip, 2012 jyly teriskeılik bu­rym­dylar arasynan al­ǵash bolyp oblystyq polısııa de­par­ta­mentiniń shtab bas­ty­ǵy­na ta­ǵaı­yndaldy.

– Biz otbasynda tórt balamyz. Asqar taý ákeme máńgilik qaryzdarmyn. Bárimizdi tár­tip­ke, jaýapkershilikke, bastaǵan isti aıaqsyz qaldyr­maý­ǵa, ótirik aıt­paý­ǵa, shynshyl bolýǵa úıretti. Osyndaı dárejege jetýime úl­ken yqpal etken Haıdar Ká­she­nov, Ersaıyn Sarqulov, Abaı Ǵalıev sekildi aǵa­la­ry­ma alǵysym shek­siz. Mazasyz qyzmettiń erte ketip, kesh kele­tin qıyndyǵyn joldasym Serik, bolashaq zańger ulym Mir­bolat ta túsinip, qol­dan kel­gen kómekterin aıamaı­dy. Qarap otyrsam, jarty ǵumy­rymdy ishki ister salasyna arnappyn. Az ba, kóp pe – oǵan ýaqyt tóreshi, –degen suhbat­ta­symyzdyń sóz saptasynan ju­mys pen otbasy tizginin qatar ustaı júrip Almaty zań aka­demııasyn syrttaı bitirip alǵa­nyn bildik. Departamenttiń bar­lyq uıymdastyrý, aǵymdyq ju­mystaryn josparlaý, baqy­laý, qadaǵalaý shtab arqyly jú­ze­ge asatyndyqtan, kez kelgen iske aldymen ózi tikeleı atsa­ly­sady. Qaramaǵyndaǵy 31 qyz­met­kerden de jaýapkershilik pen jedeldilikti birinshi kezekte talap etip otyrady. Buǵan onyń qoǵamdyq negizde atqaratyn is-sharalaryn qossaq, jumys jetip artylady.

Áıelder ke­ńe­siniń tóraıymy retinde tur­­mysy tómen, asyraýynda mú­ge­dek balalar bar 13 otba­sy­­n óz qamqorlyqtaryna alǵan. Reseı Federasııasynyń Qor­ǵan, Túmen, Omby oblystary ishki ister mınıstrlikteri ókil­derimen birlesip ótkizgen úı­lestirý tobynyń otyrysyn­da «Kórshi baqylaýy» baǵ­dar­la­ma­sy jaıly salı­qaly baıandama jasap, eki el polıseıleriniń qoıan-qoltyq aralasýyna uıyt­qy bolǵan. Jýyrda tikeleı efır­degi kórsetilim boıynsha ke­zekti «qaýyrt jeli» baılanysy uıymdastyrylyp, shtab bastyǵy eki saǵattyq onlaın-konferensııa barysynda qylmystyq quqyq buzý­shy­lyq­tar týraly ótinishterge, qabyldaý, tirkeý, kezekshi bó­lim­derge júginý, oqıǵa oryndaryna jedel toptar men narıad­tar­dyń shyǵý tártibi, taǵy basqa kóptegen máselelerge naq­ty jaýap berdi. Onyń ár sózi­nen polıseı mamandyǵy óte jaýap­ty, qoǵam tynyshtyǵy jiti baqylaýda ekeni anyq ańǵary­lyp turady.

Sáýle Tynyshtyqqyzynyń inisi Almat, sińlisi Gúlmıra áke­leriniń, apalarynyń jolyn qýyp, áýlet atyna kir kel­tir­meý­di basty murat sanaıdy.

Soltústik Qazaqstan oblysy