Ekonomıka • 31 Qazan, 2019

EAEO : Ipoteka sharttary qaı elde jeńil?

33 retkórsetildi

Qazaqstanda jeke tulǵalar turǵyn úı zaemyn 20 jylǵa 12% deıingi mólsherlememen ala alady. Onyń mólsheri klıenttiń nesıelik tarıhynyń «tazalyǵyna», sondaı-aq múliktiń (satyp alynǵan nemese menshikti) jaǵdaıyna baılanysty. Bul týraly búgin LS saıty jazdy.

Al, Reseıde eń qyzyqty jáne qolaıly nesıe sharttary usynylady. Nesıe 30 jylǵa deıin jyldyq mólsherlemesi 7,3% -dan 10,9% -ǵa deıin beriledi. Sonymen qatar, qaryz alýshyǵa beriletin nesıe somasy 300 myń rýblden bastalady.

Armenııada ıpoteka mólsherlemesi jyldyq 8% -dan 13% -ǵa deıin, al tólem merzimi 20 jylǵa esepteledi. Turǵyn úı zaemdary úsh valıýta túrimen beriledi: armıan dramy, dollar jáne evro.

Dram boıynsha nesıeniń eń joǵary shegi – 150 mıllıon, al dollar men eýroda – 300 myń.

Sonymen birge, Belarýssııada baspana 20 jylǵa satyp alynady, tek ortasha mólsherleme 13,7% quraıdy. Bul eldegi ıpotekalyq nesıeniń ereksheligi – bankter qurylys kompanııalarymen seriktese jumys isteıdi. Osynyń arqasynda turǵyn úı oblıgasııalaryn satyp alatyn jeke tulǵalar nesıeni neǵurlym tıimdi sharttarmen ala alady.

EAEO elderiniń ishinde Qyrǵyzstanda ıpoteka talaptary qatań. Atap aıtqanda, nesıe tek bes jylǵa (eger sommen berilse) nemese jeti jylǵa (dollarmen berilse) usynylady. Onyń ústine, jyldyq mólsherleme 17% bastalady. Nesıe alý úshin siz satyp alynǵan múlik qunynan 30% bastapqy jarna tóleısiz.

Sondaı-aq Qyrǵyzstandaǵy bankter qaryz alýshynyń aılyq tabysyna erekshe nazar aýdarady.

Sarapshylar osylardyń ishinde Qazaqstandaǵy ıpoteka sharttary qoǵamnyń qolaıyna beıimdelip jatqandyqtan, bárinen bási basym dep otyr.

Osyǵan deıin atalyp ótkendeı, Qazaqstan Turǵyn úı qurylys banki memlekettik baǵdarlama boıynsha 2 paıyzben nesıe sharttarynyń jobasyn daıyndap jatyr. 

Aıta ketý kerek, bul derekterde turǵyn úı qurylys jınaq banki sııaqty basqa qarjy ınstıtýttaryndaǵy memlekettik baǵdarlamalardyń sharttary týraly málimetter eskerilmegen.

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar