Aımaqtar • 31 Qazan, 2019

Nurlan Noǵaev: Memlekettik qyzmetkerlerdiń ashyqtyǵy sybaılas jemqorlyqty boldyrmaýy tıis

79 retkórsetildi

Bul týraly Nur Otan partııasy janyndaǵy sybaılas jemqorlyqqa qarsy is-qımyl jónindegi respýblıkalyq qoǵamdyq keńes otyrysynda Atyraý oblysynyń ákimi Nurlan Noǵaev málimdedi.

Oblys ákimi óńirdiń kvazımemlekettik sektorynda sybaılas jemqorlyq táýekelderin tómendetý úshin korporatıvtik basqarýdy engizý bastalǵanyn atap ótti.

- Negizgi maqsat - birinshi basshylardyń keıbir ókilettikterin qadaǵalaý keńesterine berý, sheshim qabyldaýda ashyqtylyqty neǵurlym kúsheıtip, alqaly túrde ujymdasa qabyldaý. Keńes jumysyna qoǵamdyq uıymdardyń, BAQ ókilderi qatystyrylady. Baıqaýshylar kadr saıasaty, memlekettik satyp alý, Qarjy-óndiristik máselelerine qatysty sheshimderdiń qabyldanýyna aralasady. Qazirgi ýaqytta bul jańashyldyq Densaýlyq saqtaý salasynda engizilýde. Aldaǵy ýaqytta biz muny basqa salalarda da qoldanýdy josparlap otyrmyz, - dedi óńir basshysy.

Budan basqa, sybaılas jemqorlyq táýekelderin tómendetýdiń tıimdi ádisteriniń biri -  memlekettik organdardyń áleýmettik jelilerdegi ashyqtyǵy.

- Sybaılas jemqorlyqqa qarsy is-qımyl boıynsha máselelerdi sheshýdiń biri - memlekettik qyzmetshilerdiń problemalyq máselelerdi sheshý kezinde halyqpen tikeleı baılanysyn boldyrmaý. Adam faktoryn alyp tastaý. Kóptegen máseleler elektrondy formatta sheshiledi, - dedi Nurlan Noǵaev.

Halyqqa qyzmet kórsetýdi jaqsartý maqsatynda áleýmettik jelilerde Atyraý oblysy ákimdiginiń Telegram  chat arnalary ashyldy. Bul óńirdiń barlyq máselelerin jedel sheshý úshin óte tıimdi arna. Qazirgi tańda Atyraý oblysy ákimdiginiń chat arnasynda 13 myńnan astam adam tirkelgen. Tek osy jyly halyqtan 9 myńnan astam suraq pen shaǵym tústi. Olardyń basym bóligi jedel sheshim tapty.

Apta saıyn áleýmettik jelilerde tikeleı efırde memlekettik organ basshylarynyń esebi júrgiziledi. Mundaı áreketter sybaılas jemqorlyq sátterin kórsetý máseleleri boıynsha adamdarǵa tikeleı sheneýnikterge júginýge múmkindik beredi. Bul tájirıbe qazirgi ýaqytta densaýlyq saqtaý salasyndaǵy mekemelerde iske asýda. Taıaý arada ózge de salalarda engizý josparlanyp otyr.

Aıta ketý kerek, Atyraý oblysynda sybaılas jemqorlyq quqyq buzýshylyqtarynyń sany respýblıka boıynsha sybaılas jemqorlyq faktileriniń jalpy sanynyń 6,5% - yn quraıdy.

Sońǵy jańalyqtar

Qarttar úıindegi qasiret

Aımaqtar • Keshe

Qazaq aqyny qyrǵyzsha jyrlandy

Rýhanııat • Keshe

Uqsas jańalyqtar