Qoǵam • 31 Qazan, 2019

Aqtaýda otbasyn nyǵaıtý kýrsy ótti

60 retkórsetildi

Aqtaý qalasyndaǵy Nazarbaev Zııatkerlik mektebinde «Berik otbasy» atty otbasylyq psıhologııalyq kýrs ótti. Bul jaıynda atalmysh oqý ornynyń baspasóz qyzmeti habarlady.

Mektep qabyrǵasynda uıymdastyrylǵan psıhologııalyq trenıngter serııasy qyrkúıek aıynda bastalyp, qazannyń sońyna deıin jalǵasqan.

7 sessııadan turǵan trenıngke 11 otbasy qatysty. Otbasy qundylyqtaryn qalyptastyryp, ata-ana men balanyń arasyndaǵy qarym-qatynasty jaqsartýǵa arnalǵan kýrsty zııatkerlik mektep psıhologtary júrgizgen.

- Bizdiń maqsatymyz – otbasy músheleriniń qarym-qatynasyn jaqsartyp, ata-ana balany, bala ata-anany túsinip, januıadaǵy yntymaqtastyq pen berekeni ıkemdilik arqyly damytý. О́ıtkeni otbasydaǵy qalypty ahýal, kóterińki kóńil-kúı balanyń sabaqta belsendi bolýyna, aqparatty tez meńgerýine kómektesedi, deıdi psıholog Aıgúl Tasanova.

Atalmysh kýrs bıyl ekinshi ret uıymdastyrylyp otyr. О́tken oqý jylynda 11 otbasy kýrsqa qatyssa, bıyl bilim ordasyndaǵy barlyq 7-synyp oqýshylary men ata-analary qatysady dep josparlanǵan.

Mekteptegi psıhologtardyń sózine sensek, kýrstyń eki dárisinen keıin-aq, top músheleri aýyzbirshilik tanytyp, ózara jaqyn til tabysa bastapty. Sonymen qatar sabaq barysynda ata-analar balalaryn jańa qyrynan tanyǵandaryn da atap ótti.

- Meniń oıymsha, mundaı trenıngterdi árbir mektepte ótkizý kerek. О́ıtkeni jańa zaman talabyna saı qundylyqtar men bala tárbıesinde úlken ózgerister men jańalyqtar bar. Biraq ata-analar jiti izdenbegendikten kóptegen olqylyqtarǵa jol beredi. Otbasymyzben kýrstyń tıimdiligin baıqadyq. Bir-birimizben qarym-qatynasymyz jaqsaryp, tyńdaýdy úırendik, deıdi Ardaq Sabyrova esimdi ata-ana.

Aıta keteıik, «Berik otbasy» psıhologııalyq kýrsyn Ulybrıtanııadaǵy Oksford Brýks ýnıversıtetiniń mamandary birigip jasaǵan. Qazirgi tańda joba álemniń 35 eline engizilip, orys, ıspan, nemis, portýgal, fransýz, qytaı tilderine aýdarylǵan. 2018 jyldyń qarasha aıynda Aqtaý qalasyndaǵy Nazarbaev zııatkerlik mektebiniń psıhology Tilektes Maskarova Oksford Brýks ýnıversıtetiniń aǵa muǵalimi, fılosofııa ǵylymdarynyń doktory Debbı Alen jáne Lındsı Klýbstan baǵdarlama boıynsha bilim alǵan.

Sońǵy jańalyqtar

Atyraýlyqtar taǵy da úzdikter qatarynda

Aımaqtar • Búgin, 19:19

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Uqsas jańalyqtar