Qoǵam • 31 Qazan, 2019

Aqtaýlyq ustazdar «bilimdegi kóshbasshylyq» magıstri atandy

94 retkórsetildi

Aqtaý qalasyndaǵy Nazarbaev Zııatkerlik mektebiniń eki muǵalimi Nazarbaev Ýnıversıtetiniń «bilimdegi kóshbasshylyq» baǵdarlamasy aıasynda magıstratýrany támamdady. Bul týraly oqý ornynyń baspasóz qyzmetinen Y.Ramazan habarlady.

Kaspıı óńirindegi zııatkerler ordasynyń aǵylshyn tili páni muǵalimi Laýra Baıtoqaeva jáne jahandyq múmkindikter jáne jobalyq jumys páni muǵalimi Gúlden Sýıýndikova Nazarbaev Ýnıversıtetiniń magıstratýrasyn aıaqtap, dıplomdaryn aldy.

- Elimizdiń kóshbasshylaryna sapaly bilim berý úshin, aqyldylar ozǵan zamanda oqýshylarymyzǵa úlgi bolý úshin zııatkerlik mektep muǵalimderine artylar júk kóp. Únemi bilim shyńdaý, izdený, jańa ádis-tásilderdi baıqap kórý jańa zaman muǵalimi úshin óte mańyzdy. Sol sebepti de osydan eki jyl buryn ýnıversıtetke qujattarymdy tapsyryp baǵymdy synap kórgen edim. Sáti túsip, oqýǵa tústim. Modýldi oqý qyzmettegi ustazdarǵa óte tıimdi boldy. Sabaqtan jıǵan bilimimdi birden tájirıbede qoldandym, deıdi Laýra Baıtoqaeva.

Jas pedagogtar aldaǵy ýaqytta joǵary bilim mektebinde úırengen bilimmen áriptesterimmen bólisýdi, muǵalim boıyndaǵy zertteýshilik daǵdylardy qalyptastyrýdy jáne sol arqyly bilim berý salasyndaǵy ózekti máselelerdiń sheshý joldaryn áriptesterimmen birge tabýdy josparlap otyr.

- Nazarbaev Ýnıversıtetinde oqyp júrgen kezimde alǵan negizgi daǵdylarym - zertteýshilik jáne kóshbasshylyq. Bular oqytýdyń zamanaýı ádisteri men tehnologııalaryn qoldana otyryp jasaqtalǵan kýrstar arqyly damytyldy. Sabaq barysynda biz ártúrli saraptamalyq maqalalar jazyp, shaǵyn zertteýler júrgizdik. Olardyń kópshiligi tek bizdiń professorlarymyzǵa ǵana emes, sonymen qatar ártúrli bilim salasyndaǵy konferensııalarynyń komıtetterine de usynylyp joǵary baǵalanǵan edi, deıdi Gúlden Sýıýndıkova.

Ustazdardyń aǵylshyn tilinde bilimin shyńdap, kásibı turǵydan ósýde zııatkerlik mektepterdegi úshtildilik saıasaty tıimdi bolǵanyn aıta ketý kerek. Pán muǵalimderiniń aǵylshyn tilin joǵary deńgeıde meńgerýi qyzmette kómek bolyp qana qoımaı, elimizdiń jetekshi ýnıversıtetterinde tegin oqýǵa múmkindik beredi. Qazirgi tańda zııatkerlik mekteptiń eki ustazy «Bolashaq» baǵdarlamasy boıynsha Anglııada bilim arttyrsa, eki muǵalimi Yessenov University doktorantýrasynda oqyp júr.

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar