Qoǵam • 31 Qazan, 2019

Elordada 5 qarashadan bastap jastarǵa arnalǵan jaldamaly páterlerdi berýge ótinish qabyldanady

115 retkórsetildi

Jaldamaly páterge ótinimdi 29 jasqa deıingi jumys isteıtin jastar bere alady. О́tinimder 5 qarashadan bastap 10 qarashaǵa deıin qabyldanady. Bul týraly elorda ákimdiginiń resmı saıty habarlady.

Páterdiń aı saıynǵy tólemi úıdiń jalpy aýdanynyń kólemine baılanysty 5 myńnan 15 myń teńge aralyǵynda bolady.

«Azamattarǵa yńǵaıly bolý úshin osy baǵdarlamany elektrondy túrde júrgizýdi jón kórdik. О́tinim Smart Astana portaly arqyly elektrondy túrde qabyldanady. Jaldamaly úıden úmitti bolsańyz Smart Astana portalynda ESQ arqyly onlaın rejimde ótinish jibere alasyz. О́tinish bergennen keıin biz ony óńdeımiz. О́ńdeý ýaqyty birneshe kúndi alady. Osydan keıin ótinim berýdegi kemshilikterdi joıý úshin sizge bir kún beremiz. Eger siz tizimde bir nárseni umyt qaldyrsańyz nemese naqty mártebeńizdi, derekterdi naqtylaǵyńyz kelse ár úmitkerge qujattardy tolyqtyrýǵa bir kún beremiz. Sondaı-aq ol da elektrondy tártipte júrgiziledi», dedi elorda ákimdiginde ótken brıfıngte Nur-Sultan qalasy ákimdiginiń Turǵyn úı qorynyń dırektory Nursulý Qojahmetova.

О́tinimder qarashanyń 5 men 10 aralyǵynda qabyldanady. Irikteýden ótken jastardyń tizimi 2019 jyldyń 10 jeltoqsanynan keshiktirlmeı jarııalanady. Sondaı-aq jaldamaly páterge ilikken jastar bıyl jyl sońyna deıin qonys toıyn toılaıtyn bolady.

«Ár otbasynyń quramy ár túrli, sondyqtan mártebesi de árqalaı bolmaq. Kópbalaly bolsańyz da, úsh bólmeli páterdiń berilmeıtinin, tek bir jáne eki bólmeliler taratylatyny eskerý kerek. Turǵyn úı satyp alý, uzartý quqyǵynsyz bes jylǵa beriledi. Iаǵnı, bes jyldan keıin biz sizden osy turǵyn úıdi bosatýdy suraýǵa májbúr bolamyz, óıtkeni biz bul páterlerdi basqa jastarǵa beremiz»,  dep qosty Turǵyn úı qorynyń dırektory.

Belgili bolǵandaı, jalǵa beriletin turǵyn úıler Sh.Ýálıhanov - S.Seıfýllın kóshesiniń qıylysynda («Astanalyq» bazarynyń mańaıy), Bógenbaı batyr men Á.Jangeldın kóshelerinen beriledi. Bir bólmeli páter aýdany 30-45 sharshy metr bolsa, eki bólmeli 46-70 sharshy metr aralyǵynda. Bári de – jańa páterler.

«Zań boıynsha biz aıaqtalmaǵan úıdi bere almaımyz. Jıhazdy jastardy ózderi satyp alýy kerek», dedi N.Qojahmetova.

Sońǵy jańalyqtar

21 jyl boıy qujatsyz júrgen

Aımaqtar • Keshe

VII PR forýmy Almatyda ótti

Aımaqtar • Keshe

Bas basylymnyń baıtaq belesi

Aımaqtar • Keshe

Qaıta oralǵan qumarshyq

Aımaqtar • Keshe

Termeshiler tereńnen terbedi

Ádebıet • Keshe

Haziretter qazynasy

Rýhanııat • Keshe

«Speshranda» saqtalǵan...

Rýhanııat • Keshe

Zań kerek!

Ekologııa • Keshe

El qurmeti erekshe

100 • Keshe

It júgirtip, qus saldy

Aımaqtar • Keshe

Senim hám serpin

Rýhanııat • Keshe

Uqsas jańalyqtar