Tehnologııa • 01 Qarasha, 2019

IT baıqaýynyń úzdikteri marapattaldy

198 retkórsetildi

Aqparattyq kommýnıkasııalyq tehnologııalar damý men alǵa jyljý baǵytynda ýaqyt ozdyrmaı ıgeretin múmkindikterdiń biri retinde elimizdiń kóptegen joǵary oqý oryndarynyń bilikti mamandar daıarlaý baǵdarlamasyna endi. Oqý oryndary stýdentterdiń biliktiligin arttyryp, tájirıbelerin baıytý úshin IT ındýstrııasynyń kóshbasynda turǵan kompanııalarmen baılanys ornatýdyń mańyzdy ekeni túsinikti.

Jastar da IT ındýstrııadaǵy iri kompanııalarda tájirıbeden ótip, jumysqa ornalasý úshin jas mamandar básekege qabilettilik talaptaryn belsendi ıgerip keledi. Jaqynda Huawei kompanııasynyń elimizdegi ókildiginiń uıymdastyrýymen bastalǵan aqparattyq kommýnıkasııalyq tehnologııalar baıqaýy márege jetken bolatyn. Ál-Farabı atyndaǵy QazUÝ kitaphanasynda jeńimpazdardy quttyqtaý saltanaty ótti. Ál-Farabı atyn­daǵy QazUÝ, L.N.Gýmılev atyndaǵy EUÝ, Almaty Energetıka jáne baılanys ýnı­versıteti, QBTÝ, SDÝ ýnıver­sıtet­terinen qatysqan myńnan astam stýdent baıqaýdyń alǵashqy kezeńinde joǵary kórsetkishterimen kózge túsip, olardyń arasynan 70-si oza shaýyp alǵa shyqty. Al irikteý kezeńinde 10 jeńimpaz tehnologııa tilin jetik meńgergender sanatyna qosyldy.

 «Huawei Technologies Kazakhstan» JShS dırektory Chjan Sıngo konkýrsqa qatysqan qazaqstandyq stýdentterge sát-sapar tiledi. Ol: «Stýdentterdiń bel­sendiligine, qabiletine tánti boldyq. Sizder Qazaqstannyń aqparattyq-kommý­nıkasııalyq salasynyń bolashaǵyn qamtı­­syzdar degen úmittemin. Ulttyq kezeńniń jeńimpazy bolǵan 10 stýdent endigi ke­zekte 50 eldiń úzdikteri qatysatyn ha­lyq­aralyq fınalda Qazaqstannyń namysyn laıyqty qorǵaıdy dep senemiz. IT ındýstrııasynyń jetekshi ókili retinde  biz aqparattyq-kommýnıkasııalyq tehnologııalar salasyndaǵy bilim berý, ǵylymı jáne qoldanbaly qyzmetterdi ilgeriletýge kúsh salamyz. Bolashaqta ýnıversıttermen aradaǵy baılanys­ty nyǵaıtyp, osy saladaǵy jastardy yntalandyrýǵa tyrysamyz», dep atap ótti.

Álemge áıgili kolledjder men ýnı­ver­sıtetterdiń ókilderi qatysatyn ınno­vasııalyq konkýrs barysynda qatysý­shylarǵa IoT, Big Data jáne jasandy ıntellekt sııaqty ozyq tehnologııalardy naqty jaǵdaılarda qol­danýǵa múmkindik beriledi. Mundaı baı­qaý alǵash ret 2015 jyly Qytaıda ótkizilgen. Jeti myńnan astam stýdent qatysqan baıqaýdyń aıasy jyldan-jyl­ǵa keńeıip, Ulybrıtanııa, Italııa, Aýs­tralııa, Mysyr, Ońtústik Afrıka, Reseı, Úndistan memleketterinen qaty­sýshylardyń sany búginde 40 myńnan asady.

Qazaqstanda ótken baıqaýda Ulttyq kezeńniń nátıjesi boıynsha birinshi oryndy Eýrazııa ulttyq ýnıversıtetiniń stýdenti Aqnıet Nurjaýbaev jeńip aldy. Ekinshi orynǵa Eýrazııa ulttyq ýnıver­sıtetiniń stýdenti Berik Ábdirahman ıe bolsa, Qazaq ulttyq ýnıversıtetiniń atynan qatysqan Aıdana Baızahanova men Eýrazııa ulttyq ýnıversıtetiniń taǵy bir stýdenti Álisher Ánýarbek úshinshi oryndy bólisti. Baıqaý barysynda Batyrhan Ábdirashev, Ǵalymjan Ibadýlla, Erlan Tileýǵalıev, Nursaıa О́mirserik, Dastan Juma­bekov, Erasyl Slıamov jaqsy ná­tı­je kórsetkender qatarynda Huawei kom­pa­nııa­synyń syılyqtaryna ıe boldy. Sondaı-aq Almas Serikbaev, Aldııar Agıshev, Aıshabibi Seıilova, Nurqat Ǵabdollaev úzdik oqytýshylar dep tanyldy. Olarǵa da tıisinshe arnaıy sertıfıkattar tapsyrdy.

Ál-Farabı atyndaǵy QazUÝ Qatty deneler fızıkasy jáne beısyzyq fızıka kafedrasynyń meńgerýshisi, PhD M.Ibraımov, L.Elmurat, A.Smaǵulova, J.Kamashbek, baıqaýdy uıymdastyrýshy kompanııanyń ókili Lıý Dıa, taǵy basqa­lary jeńimpazdardy quttyqtap, jyly lebizderin bildirdi.

Jeńimpaz Aqnıet Nurjaýbaev baıqaý­dyń qatań synaq alańy bolǵanyn, óziniń oǵan úlken izdenispen, daıyndyqpen kel­genin jetkizdi. Byltyr joly bolmasa da taýy shaǵylmaı, bıyl kezekti márte baq synap, tapsyrmalardyń qıyndyǵyna qaramastan, jeńimpazdar qatarynan ta­bylǵan Aqnıet qazaqstandyq stýdent­terdiń álemniń úzdik kompanııalarymen baılanys ornatýy otandyq IT-salada bilikti mamandar qatarynyń kóbeıýine yqpal etedi deıdi.

Osyǵan deıin baǵdarlama aıasynda qazaqstandyq 20 stýdent Qytaıda bilim alǵan. Al Huawei kompanııasy 2023 jylǵa qaraı ár salada sıfrly transformasııany damytý úshin qoljetimdi sıfrly álem qurý úshin 700 myńnan astam maman daıyndaýdy josparlap otyr.

 

ALMATY

 

Sońǵy jańalyqtar

Túlkibasta «Ana men bala» monýmenti ashyldy

Rýhanııat • Búgin, 16:41

Termınge saýattylyq kerek

Qoǵam • Búgin, 15:33

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Uqsas jańalyqtar